రాస్ టేలర్ తీరు సరిలేదు: హఫీజ్ బౌలింగ్‌పై ఫిర్యాదు, సర్ఫాజ్ మండిపాటు

రాస్ టేలర్ తీరు ఏమాత్రం బాగా లేదు

ఇందుకు సంబంధించిన వీడియో సోషల్ మీడియాలో వైరల్ అయింది. అయితే, మ్యాచ్ అనంతరం సర్ఫరాజ్ మాట్లాడుతూ "రాస్ టేలర్ తీరు ఏమాత్రం బాగా లేదు. బౌలింగ్ యాక్షన్‌పై ఫిర్యాదు చేయడం అతని పని కాదు. ఇది దురదృష్టకరం. అతని పని బ్యాటింగ్ చేయడం. దానిపై దృష్టి సారిస్తే మంచిది. ఇదే విషయంపై నేను అంపైర్లకు ఫిర్యాదు చేశాను" అని అన్నాడు.

రాస్ టేలర్ ఓ ప్రొఫెషనల్ క్రికెటర్

"రాస్ టేలర్ ఓ ప్రొఫెషనల్ క్రికెటర్. అతడు ఇలాంటి పని చేయాల్సింది కాదు. గతంలో కూడా అతడు రెండు, మూడుసార్లు ఇలాగే చేశాడు. హఫీజ్ యాక్షన్‌లో ఎలాంటి లోపం లేదు. అనవసరంగా టేలర్ దాన్నో రాద్ధాంతం చేయాలని చూశాడు" అని సర్ఫరాజ్ పేర్కొన్నాడు. హఫీజ్ బౌలింగ్‌పై గతంలో కూడా అనేక ఫిర్యాదులు వచ్చాయి.

50 ఓవర్లలో 9 వికెట్ల నష్టానికి 266 పరుగులు చేసిన కివీస్

ఐసీసీ ఇప్పటికే అతని బౌలింగ్‌పై మూడుసార్లు నిషేధం విధించడం విశేషం. ఇదిలా ఉంటే, ఈ మ్యాచ్‌లో టాస్‌ గెలిచి తొలుత బ్యాటింగ్ చేసిన న్యూజిలాండ్‌ నిర్ణీత 50 ఓవర్లలో 9 వికెట్ల నష్టానికి 266 పరుగులు చేసింది. రాస్ టేలర్‌(80), లాంథమ్‌ (68) హాఫ్‌ సెంచరీలతో రాణించారు. పాక్‌ బౌలర్లలో షహీన్‌ షా ఆఫ్రిది, షదబ్‌ ఖాన్‌ నాలుగేసి వికెట్లు పడగొట్టగా... ఇమాద్‌ వాసిం ఒక వికెట్‌ లభించింది.

47.2 ఓవర్లలో 219 పరుగులకే ఆలౌటైన పాకిస్థాన్

అనంతరం 267 పరుగుల లక్ష్యంతో బరిలోకి దిగిన పాకిస్థాన్ 47.2 ఓవర్లలో 219 పరుగులకు ఆలౌటైంది. పాక్ బ్యాట్స్‌మెన్లలో కెప్టెన్ సర్ఫరాజ్‌ అహ్మద్(64)‌, ఇమాద్‌ వాసిం(50) హాఫ్ సెంచరీలతో రాణించారు. పాక్ బ్యాట్స్‌మెన్లను ఫకార్‌ జమాన్‌, బాబర్‌ అజాం, మహ్మద్‌ హఫీజ్‌లను వరుస బంతుల్లో పెలివియన్‌కు చేర్చాడు.

ట్రెంట్ బౌల్ట్‌కు మ్యాన్ ఆఫ్ ద మ్యాచ్ అవార్డు

న్యూజిలాండ్ బౌలర్లలో ఫెర్గుసన్‌ మూడు వికెట్లు తీయగా... గ్రాండ్‌ హోమ్ రెండు వికెట్లు తీసాడు. ఇష్ సోధికి ఒక వికెట్‌ లభించింది. ఈ మ్యాచ్‌లో హ్యాట్రిక్ వికెట్లు తీసిన ఈ మ్యాచ్‌లో హ్యాట్రిక్‌తో జట్టు విజయంలో కీలకపాత్ర పోషించిన ట్రెంట్ బౌల్ట్‌కు మ్యాన్ ఆఫ్ ద మ్యాచ్ అవార్డు లభించింది. కాగా, కివీస్ తరుపున వన్డేల్లో హ్యాట్రిక్‌ నమోదు చేసిన మూడో పురుష బౌలర్‌గా ట్రెంట్‌ బౌల్ట్‌గా నిలిచాడు.