రైనా 300: ఐపీఎల్‌లో సరికొత్త రికార్డు (ఫోటోలు)

34 పరుగులతో నాటౌట్‌గా

ముఖ్యంగా గురువారం చిన్నస్వామి స్టేడియంలో రాయల్ ఛాలెంజర్స్ బెంగళూరుతో జరిగిన మ్యాచ్‌లో 34 పరుగులతో నాటౌట్‌గా నిలవడంతో పదో సీజన్‌లో 309 పరుగులతో ఆరెంజ్‌ క్యాప్‌ సొంతం చేసుకున్నాడు. ఈ మ్యాచ్‌కి సురేశ్ రైనా ముద్దుల కుమార్తె గ్రేసియా వచ్చింది.

ఎంతో సంతోషించిన సురేశ్ రైనా

తన కుమార్తె ముందు ఆడిన మ్యాచ్‌లో గుజరాత్‌ గెలవడంతో రైనా ఎంతో సంతోషపడ్డాడు. ‘అభినందలు పప్పా, గుజరాత్‌ లయన్స్‌. మీరు నా తొలి మ్యాచ్‌కు విలువ చేకూర్చారు' అని రైనా సతీమణి ప్రియాంక.. గ్రేసియా తరఫున ట్వీట్‌ చేసింది.

399 పరుగులే అత్యల్ప స్కోరు

గత సీజన్‌కు ముందు వరకు రైనా చెన్నై సూపర్‌ కింగ్స్‌ తరఫున ఆడిన సంగతి తెలిసిందే. అంతేకాదు పదేళ్ల ఐపీఎల్‌లో గతేడాది ఐపీఎల్‌లో అరంగేట్రం చేసిన గుజరాత్ లయన్స్ జట్టు తరుపున రైనా చేసిన 399 పరుగులే అత్యల్ప స్కోరు కావడం విశేషం. ఐపీఎల్ చరిత్రలోనే అత్యధిక మ్యాచ్‌లాడిన ఘన చరిత్ర సురేశ్ రైనాదే.

500కు పైగా పరుగులు మూడు సార్లు

అంతేకాదు ఒక సీజన్‌లో 500కు పైగా పరుగులు మూడు సార్లు(2010, 2013, 2014) చేశాడు. 2010లో చెన్నై సూపర్ కింగ్స్ ఐపీఎల్ విజేతగా నిలవడంలో సురేశ్ రైనా కీలకపాత్ర పోషించాడు. సీజన్‌ల వారీగా సురేశ్ రైనా సాధించిన పరుగులు:

* 2017 - 8 మ్యాచ్‌లు - 309 పరుగులు (ఇంకా మ్యాచ్‌లున్నాయి)

* 2016 - 15 మ్యాచ్‌లు - 399

* 2015 - 17 మ్యాచ్‌లు - 374

* 2014 - 16 మ్యాచ్‌లు - 523

* 2013 - 18 మ్యాచ్‌లు - 548

* 2012 - 19 మ్యాచ్‌లు - 441

* 2011 - 16 మ్యాచ్‌లు - 438

* 2010 - 16 మ్యాచ్‌లు - 520

* 2009 - 14 మ్యాచ్‌లు - 434

* 2008 - 16 మ్యాచ్‌లు - 421