Click it and Unblock the Notifications
ఆ ఒక్క విజయం కింగ్స్‌పైనే:
సన్రైజర్స్ హైదరాబాద్ ఇప్పటివరకు ఐపీఎల్ 2021లో ఒక మ్యాచులో కూడా సత్తాచాటలేదు. ఇప్పటి వరకు 8 మ్యాచులు ఆడిన ఎస్‌ఆర్‌హెచ్ కేవలం ఒకే ఒక్క మ్యాచులో విజయం సాధించింది. 2 పాయింట్లతో పాయింట్ల పట్టికలో చివరి స్థానంలో నిలిచింది. అయితే ఐపీఎల్ 2021లో కేన్ సేన సాధించిన ఏకైక విజయం పంజాబ్ కింగ్స్‌పైనే. అది మొదటి దశలో వచ్చింది. పంజాబ్ జట్టును ఎస్‌ఆర్‌హెచ్ 9 వికెట్ల తేడాతో ఓడించింది. ఆ తరువాత సన్రైజర్స్ వరుసగా 4 మ్యాచ్‌లు ఓడిపోయింది. ఇక ఇప్పటి నుంచి వరుసగా అన్ని మ్యాచులు గెలిచినా.. ప్లే ఆఫ్‌కు చేరుకోవడం అసాధ్యమే. సన్రైజర్స్ ప్లే ఆఫ్‌కు చేరుకోవాలంటే అద్భుతమే జరగాలి.
వార్నర్ ఔట్:
టాప్ ఆర్డర్లో రాణిస్తారనుకున్న ఓపెనర్ డేవిడ్ వార్నర్, కెప్టెన్ కేన్ విలియమ్సన్, స్టార్ బ్యాటర్ మనీశ్‌ పాండే తక్కువ స్కోరుకే పరిమితమవుతున్నారు. ఇది జట్టు ప్రదర్శనపై తీవ్ర ప్రభావం చూపుతోంది. ముఖ్యంగా ఐపీఎల్ 2021లో వార్నర్ పూర్తిగా విఫలమవుతున్నాడు. ఒక్క మ్యాచులో కూడా రాణించలేదు. తొలి దశలో ఒక మ్యాచుపై వేటు పడగా.. జానీ బెయిరిస్టో అందుబాటులో లేకపోవడంతో ఢిల్లీపై వార్నర్ మ్యాచ్ ఆడాడు. ఆ మ్యాచులో డకౌట్ అయ్యాడు. దాంతో అతడిపై మరోసారి వేటు పడనుంది. ఇంగ్లండ్ స్టార్ ఓపెనర్ జేసన్ రాయ్ జట్టులోకి వచ్చే అవకాశం ఉంది. డేవిడ్ భాయ్ దాదాపు ఈ మ్యాచ్ ఆడకపోవచ్చు.
రషీద్ ఖాన్ మినహా:
సన్రైజర్స్ హైదరాబాద్ గెలవాలంటే వృద్ధిమాన్ సాహా, కేన్ విలియమ్సన్, మనీశ్‌ పాండేలు రాణించాల్సిన అవసరం ఎంతో ఉంది. వరుసగా విఫలమవుతున్న కేదార్ జాదవ్ గాడిలో పడాలి. హైదరాబాద్ జట్టులో సైనా బ్యాటర్లు లేకపోవడంతో జాదవ్ తుది జట్టులో ఉంటున్నాడు. అబ్దుల్ సమద్ మరోసారి పరుగులు చేయాలని సన్రైజర్స్ మేనేజ్మెంట్ కోరుకుంటోంది. బౌలర్లో రషీద్ ఖాన్ మినహా మిగతా వారు పెద్దగా ప్రభావం చూపలేకపోతున్నారు. నట్టు లేని లోటు స్పష్టంగా కనిపిస్తోంది. భువనేశ్వర్ కుమార్, సందీప్ శర్మ, ఖలీల్ అహ్మద్ తమ సత్తాచాటాల్సిన అవసరం ఉంది. జాసన్ హోల్డర్ స్థానంలో కూడా జేసన్ రాయ్ జట్టులోకి వచ్చే అవకాశాలు ఉన్నాయి. ఈ మ్యాచ్లోనైనా ఆటగాళ్లు సమిష్టిగా రాణించి, అదృష్టం తోడుంటే విజయం దక్కుతుంది. లేదంటే మళ్లీ కథ కంచికే.
సన్రైజర్స్ హైదరాబాద్ తుది జట్టు (అంచనా):
డేవిడ్ వార్నర్/ జేసన్ రాయ్, వృద్ధిమాన్ సాహా (కీపర్), కేన్ విలియమ్సన్ (కెప్టెన్), మనీష్ పాండే, కేదార్ జాదవ్, అబ్దుల్ సమద్, జాసన్ హోల్డర్/జేసన్ రాయ్, రషీద్ ఖాన్, భువనేశ్వర్ కుమార్, సందీప్ శర్మ, ఖలీల్ అహ్మద్.
