స్మిత్ ఖాతాలో ఓ చెత్త రికార్డు: అప్పర్ కట్ ఆడేది అలాగేనా? (వీడియో)

అనూహ్య రీతిలో స్టీవ్ స్మిత్ ఔట్

అయితే, ఈ మ్యాచ్‌లో స్టీవ్ స్మిత్ ఔట్ మాత్రం అనూహ్యంగా జరిగింది. మార్కస్ స్టోయినిస్ బౌలింగ్‌లో అప్పక్ కట్ ఆడే ప్రయత్నంలో స్టీవ్ స్మిత్ వికెట్ కీపర్‌కు క్యాచ్ ఇచ్చాడు. అయితే, తొలుత తన ఔట్ విషయంలో అయోమయం నెలకొన్నప్పటికీ... అంఫైర్ ఔట్ ఇవ్వడంతో స్టీవ్ స్మిత్ నిరాశగా వెనుదిరిగాడు.

సోషల్ మీడియాలో వీడియో వైరల్

ఇందుకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. దీంతో స్టీవ్ స్మిత్(103) సెంచరీ అనంతరం నిరాశగా పెవిలియన్‌కు చేరాడు. స్మిత్ సెంచరీతో న్యూ సౌత్ వేల్స్ జట్టు రెండో రోజు ఆట ముగిసే సమయానికి 314/4 పటిష్ట స్థితిలో నిలిచింది. ఈ ఏడాది స్టీవ్ స్మిత్ అద్భుతమైన ఫామ్‌లో ఉన్నాడు.

అద్భుతమైన ఫామ్‌లో స్మిత్

యాషెస్ సిరిస్‌లో భాగంగా నాలుగు టెస్టులాడిన స్టీవ్ స్మిత్ 774 పరుగులు చేశాడు. ఇందులో మూడు సెంచరీలు ఉన్నాయి. 2019లో టెస్టుల్లో అత్యధిక పరుగులు చేసిన ఆటగాళ్ల జాబితాలో అగ్రస్థానంలో ఉన్నాడు. రెండు టెస్టు మ్యాచ్‌ల సిరిస్‌లో భాగంగా ఆస్ట్రేలియా-పాకిస్థాన్ జట్ల మధ్య నవంబర్ 21న గబ్బా వేదికగా తొలి టెస్టు ప్రారంభం కానుంది.

పాక్‌పై రెండు సెంచరీలు చేసిన స్మిత్

కాగా, పాకిస్థాన్‌పై స్టీవ్ స్మిత్ అద్భుతమైన టెస్టు గణాంకాలను కలిగి ఉన్నాడు. పాక్‌పై మొత్తం ఏడు టెస్టులు ఆడిన స్టీవ్ స్మిత్ రెండు సెంచరీలు, ఐదు హాఫ్ సెంచరీలు చేశాడు. 2017లో మెల్ బోర్న్ వేదికగా పాక్‌తో జరిగిన టెస్టులో స్టీవ్ స్మిత్(165 నాటౌట్) ఇప్పటికీ క్రికెట్ అభిమానులకు గుర్తే.