హైదరాబాద్: పోర్ట్ ఎలిజబెత్ వేదికగా ఆస్ట్రేలియాతో జరుగుతోన్న రెండో టెస్టులో దక్షిణాఫ్రికా పేసర్ కగిసో రబాడ తన బౌలింగ్తో ప్రత్యర్ధి జట్టుకు ముచ్చెమటలు పోయిస్తున్నాడు. తొలి ఇన్నింగ్స్లో 5 వికెట్లు తీసిన రబాడ... రెండో ఇన్నింగ్స్లో 6 వికెట్లు తీసి ఆస్ట్రేలియాను స్వల్ప స్కోరుకే పరిమితం చేశాడు.
Australia vs South Africa 2018 2nd Test Score Card
తద్వారా రబాడ ఓ అరుదైన ఘనతను సొంతం చేసుకున్నాడు. ఒక టెస్టు మ్యాచ్లో ఎక్కువ సార్లు 10 వికెట్లు తీసిన మూడో సఫారీ బౌలర్గా రికార్డు సృష్టించాడు. ఇప్పటి వరకు రబాడ నాలుగు సార్లు ఈ ఘనతను సాధించగా... డేల్ స్టెయిన్(5), ఎన్తీని(4)లు తొలి రెండు స్థానాల్లో ఉన్నారు. రబాడ కేవలం 28 టెస్టుల్లోనే ఈ ఘనత సాధించాడు.
That's the Australia innings all wrapped up! Rabada has six wickets, Ngidi and Maharaj two each. South Africa need 101 to win this Test and level the series!
— ICC (@ICC) March 12, 2018
Follow #SAvAUS LIVE ➡️https://t.co/ZWU7vOm1bo pic.twitter.com/vVirzFeo7B
ఇదిలా ఉంటే రబాడ దెబ్బకు రెండో ఇన్నింగ్స్లో ఆస్ట్రేలియా 239 పరుగులకే ఆలౌటైంది. 180/5 ఓవర్నైట్ స్కోరుతో నాలుగోరోజైన సోమవారం ఆటను ప్రారంభించిన ఆస్ట్రేలియా మరో 59 పరుగులకే మిగితా ఐదు వికెట్లను కోల్పోయింది. దీంతో ఆతిథ్య దక్షిణాఫ్రికాకు 101 పరుగుల లక్ష్యాన్ని నిర్దేశించింది.
101 పరుగుల లక్ష్యంతో బరిలోకి దిగి దక్షిణాఫ్రికా లంచ్ సమయానికి ఓ వికెట్ కోల్పోయి 22 పరుగులు చేసింది. అంతకముందు దక్షిణాఫ్రికా తొలి ఇన్నింగ్స్లో డివిలియర్స్ సెంచరీతో రాణించడంతో 139 పరుగుల ఆధిక్యం లభించిన సంగతి తెలిసిందే.
Play is resuming, with South Africa 22/1 chasing 101, Dean Elgar falling to Nathan Lyon on the stroke of lunch.
— ICC (@ICC) March 12, 2018
Has the offspinner given Australia a glimmer?
FOLLOW #SAvAUS LIVE ➡️ https://t.co/ZWU7vOm1bo pic.twitter.com/rjPQbMhtfe