హైదరాబాద్: ఓవల్ వేదికగా శ్రీలంకతో జరిగిన మ్యాచ్లో ఆస్ట్రేలియా 87 పరుగుల తేడాతో విజయం సాధించింది. ఆస్ట్రేలియా నిర్దేశించిన 335 పరుగుల విజయలక్ష్యంతో బరిలోకి దిగిన శ్రీలంక ఆరంభంలో దూకుడుగా ఆడినప్పటికీ ఆ వరుసగా వికెట్లను కోల్పోయి 45.5 ఓవర్లలో 247 పరుగులకు ఆలౌటైంది.
ఐసీసీ క్రికెట్ వరల్డ్కప్-2019 ప్రత్యేక వార్తల కోసం
ప్రపంచకప్లో ఆస్ట్రేలియాకు ఇది నాలుగో విజయం కాగా, శ్రీలంకకు రెండో ఓటమి. శ్రీలంక జట్టులో కెప్టెన్ దిముత్ కరుణరత్నే(97), కుశాల్ పెరీరా(52) మంచి ఆరంభాన్నిచ్చినా మిడిలార్డర్ బ్యాట్స్మన్ వైఫల్యం కారణంగా ఆ జట్టుకు ఓటమి తప్పలేదు. ఆస్ట్రేలియా బౌలర్లలో మిచెల్ స్టార్క్ నాలుగు వికెట్లు తీయగా, రిచర్డ్సన్ మూడు, కమిన్స్ రెండు వికెట్లు తీశారు.
Australia win by 87 runs!
— Cricket World Cup (@cricketworldcup) June 15, 2019
It was all going so well for Sri Lanka before a late innings collapse saw Australia seal their fourth win of #CWC19. pic.twitter.com/ACKTeee6Q2
శ్రీలంక విజయ లక్ష్యం 335
అంతకముందు ఓపెనర్ అరోన్ ఫించ్ 132 బంతుల్లో 153(15ఫోర్లు, 5సిక్సర్లు) సెంచరీతో చెలరేగగా... స్టీవ్ స్మిత్ 59 బంతుల్లో 73(7ఫోర్లు, సిక్స్), మాక్స్వెల్ 25 బంతుల్లో 46 నాటౌట్ (4ఫోర్లు, సిక్స్) రాణించడంతో టాస్ ఓడి తొలుత బ్యాటింగ్ చేసిన ఆస్ట్రేలియా నిర్ణీత ఓవర్లలో 7 వికెట్లకు 334 పరుగులు చేసింది. శ్రీలంక బౌలర్లలో ధనంజయ డిసిల్వా, ఇసురు ఉదాన చెరో రెండు వికెట్లు తీశారు.
ఈ మ్యాచ్లో టాస్ గెలిచిన శ్రీలంక జట్టు తొలుత ఆస్ట్రేలియాను బ్యాటింగ్కు ఆహ్వానించింది. ఆరంభంలో డేవిడ్ వార్నర్ నిదానంగా ఆడుతుంటే ఫించ్ మాత్రం లంక బౌలర్లపై ఎదురుదాడికి దిగి స్కోరు బోర్డుని ముందుకు నడిపించాడు. వీరిద్దరూ కలిసి తొలి వికెట్కు 80 పరుగులు జోడించిన తర్వాత డేవిడ్ వార్నర్ 48 బంతుల్లో 26(2 ఫోర్లు) ధనుంజయ డిసిల్వా బౌలింగ్లో ఔటయ్యాడు.
Joint leading wicket-taker at #CWC15 ✅
— Cricket World Cup (@cricketworldcup) June 15, 2019
Leading wicket-taker so far at #CWC19 ✅
What is it about Mitchell Starc and World Cups?! pic.twitter.com/fbdz4Lue3D
ఆ తర్వాత వచ్చిన ఖవాజా(10) నిరాశపరిచాడు. జట్టు స్కోరు 100 పరుగుల వద్ద ధనుంజయ డిసిల్వా బౌలింగ్లో ఉదానకు క్యాచ్ ఇచ్చి పెవిలియన్కు చేరాడు. ఈ తరుణంలో ఫించ్కు జత కలిసిన స్టీవ్ స్మిత్ ఇన్నింగ్స్ను ముందుకు తీసుకెళ్లాడు. వీరిద్దరూ నిలకడగా ఆడి వందకుపైగా భాగస్వామ్యాన్ని నమోదు చేశారు. 53 బంతుల్లో హాఫ్సెంచరీ చేసిన ఫించ్.. 97 బంతుల్లోనే సెంచరీ అందుకున్నాడు.
33వ ఓవర్లో సిరివర్దన వేసిన రెండో బంతిని సిక్స్గా మలిచి సెంచరీ పూర్తి చేసుకున్నాడు. ఈ ప్రపంచకప్లో సెంచరీ బాదిన తొలి కెప్టెన్గా అరోన్ ఫించ్ నిలవడం విశేషం. వన్డేల్లో ఆరోన్ ఫించ్కి ఇది 14వ సెంచరీ. ఖవాజా ఔటైన తర్వాత కొద్దిసేపు పరుగులు రాకుండా లంక బౌలర్లు అడ్డుకున్నారు కానీ వికెట్లు తీయలేకపోయారు. చివరి పవర్ ప్లేలో ఆరోన్ ఫించ్ కళ్లుచెదిరే షాట్లతో ఆకట్టుకున్నాడు.
1️⃣5️⃣3️⃣ off 1️⃣ 3️⃣ 2️⃣ balls 🙌 #AaronFinch is the Player of the Match 👏 pic.twitter.com/8mGzOIwelt
— Cricket World Cup (@cricketworldcup) June 15, 2019
1987 🏆
— Cricket World Cup (@cricketworldcup) June 15, 2019
1999 🏆
2003 🏆
2007 🏆
2015 🏆
2019 ❓ pic.twitter.com/iXq53lqUx1
Australia end their innings on 334/7!
— Cricket World Cup (@cricketworldcup) June 15, 2019
Skipper Aaron Finch was their star with the bat, scoring 153 – the equal highest individual score of #CWC19 so far. pic.twitter.com/ws0yiAv6l6
{headtohead_cricket_1_7}