సిరాజ్ ఒక్కడే పది వికెట్లు పడేసిన వేళ.. విజేతగా భారత్ ఏ

Siraj takes 10-for as India A beat South Africa A by innings and 30 runs

హైదరాబాద్: భారత యువ పేసర్‌ మొహమ్మద్ సిరాజ్ దక్షిణాఫ్రికా-ఏతో తొలి అనధికార టెస్టులో అదరగొట్టాడు. మ్యాచ్‌లో అతడు పది వికెట్లతో విజృంభించడంతో భారత్‌-ఏ ఇన్నింగ్స్‌ 30 పరుగుల తేడాతో ఘనవిజయం సాధించింది.

తొలి ఇన్నింగ్స్‌లో 5 వికెట్లతో దక్షిణాఫ్రికాను దెబ్బతీసిన సిరాజ్‌ రెండో ఇన్నింగ్స్‌లోనూ 5 వికెట్లను ఖాతాలో వేసుకున్నాడు. ఫలితంగా రెండు మ్యాచ్‌ల సిరీస్‌లో 1-0తో ముందంజ వేసింది. 99/4 ఓవర్‌నైట్ స్కోరుతో ఆఖరి రోజు(మంగళవారం) రెండో ఇన్నింగ్స్ కొనసాగించిన సఫారీలు..సిరాజ్(5/73) ధాటికి 128.5 ఓవర్లలో 308 పరుగులకు ఆలౌటైంది.

మొదటి మూడు రోజులతో పోల్చుకుంటే చివరి రోజు సఫారీలు దీటైన పోటీనిచ్చారు. ఆఖరి ఆరు వికెట్లు తీయడానికి యువ భారత బౌలర్లకు 88.5 ఓవర్లు అవసరమయ్యాయి. ఓ దశలో 121/5 కనిపించినా..రూడీ సెకండ్(94), షాన్‌వాన్ బెర్గ్(50) ఆరో వికెట్‌కు 119 పరుగుల భాగస్వామ్యం నెలకొల్పాడు. వాన్ బెర్గ్‌ను నవదీప్‌ షైనీ(3/71) ఔట్ చేసినా..ఆఖరి వరుస బ్యాట్స్‌మెన్ భారత బౌలర్ల సహనాన్ని పరీక్షించారు. మొత్తంగా మయాంక్ అగర్వాల్ డబుల్ సెంచరీ, పృథ్వీషా సెంచరీ, సిరాజ్ 10 వికెట్ల ప్రదర్శనతో భారత ఎ పూర్తి ఆధిపత్యం ప్రదర్శించింది.

ఇరు జట్ల మధ్య రెండో అనధికారిక టెస్ట్ ఈనెల 10 నుంచి బెంగళూరులో జరుగుతుంది. ఓటమి నుంచి దక్షిణాఫ్రికాను గట్టెక్కించేందుకు సెకండ్‌ (94), వోన్‌ బర్గ్‌ (50) పోరాడారు. ఐతే గుర్బాని (2/45)తో పాటు అక్షర్‌ పటేల్‌ (1/43), చాహల్‌ (1/85) సిరాజ్‌ (5/73)కు అండగా నిలవడంతో దక్షిణాఫ్రికా కథ ముగిసింది.

For Quick Alerts
ALLOW NOTIFICATIONS
For Daily Alerts
    Story first published: Wednesday, August 8, 2018, 10:09 [IST]
    Other articles published on Aug 8, 2018
    POLLS

    Mykhel బ్రేకింగ్ అలర్ట్స్ పొందండి

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more