క్షమాపణ చెప్పిన విండిస్ పేసర్ గాబ్రియల్: జో రూట్‌ని ఏమన్నాడో తెలుసా?

మ్యాచ్‌ ఫీజులో 75 శాతం కోత

దీంతో పాటు అతడి మ్యాచ్‌ ఫీజులో 75 శాతం కోతతోపాటు 3 డీమెరిట్‌ పాయింట్లు కూడా చేర్చింది. అయితే, గాబ్రియల్ నిషేధానికి కారణమైన ఆ వ్యాఖ్యలు ఏంటని అని సర్వత్రా ఆసక్తి నెలకొంది. నాలుగు వన్డేల నిషేధం విధించిన తర్వాత గాబ్రియల్ మీడియాతో మాట్లాడాడు.

ఏకాగ్రతను దెబ్బతీసేందుకు

"మ్యాచ్‌లో జోరూట్ నిలకడగా ఆడుతుండటంతో అతడి ఏకాగ్రతను దెబ్బతీసి ఒత్తిడి పెంచాలనుకున్నాను. ఈ క్రమంలో బంతి విసిరిన తర్వాత అతనికి దగ్గరగా వెళ్లి.. నన్ను చూసి ఎందుకు నవ్వుతున్నావు? నీకు బాయ్స్ అంటే ఇష్టమా?" అని అన్నానని తెలిపాడు.

మ్యాచ్‌ రెఫరీకి ఫిర్యాదు చేసిన అంఫైర్లు

దీంతో ఫీల్డ్‌ అంపైర్లు గాబ్రియల్‌పై మ్యాచ్‌ రెఫరీకి ఫిర్యాదు చేశారు. మ్యాచ్‌ అనంతరం గాబ్రియల్‌ తప్పుచేసినట్టు అంగీకరించడంతో లెవల్‌-2 కింద అతడిపై చర్యలు తీసుకున్నారు. గాబ్రియల్ ఖాతాలో ఇప్పటికే 5 డీమెరిట్‌ పాయింట్లు ఉన్నాయి. తాజాగా మూడు పాయింట్లతో కలిపి అతడి పాయింట్ల సంఖ్య ఎనిమిదికి పెరిగింది.

ఓ ఆటగాడు ఎనిమిది అయోగ్యత పాయింట్లు పొందితే

నిబంధనల ప్రకారం 24 నెలల కాలంలో ఓ ఆటగాడు ఎనిమిది అయోగ్యత పాయింట్లు పొందితే.. అతడిపై 2 టెస్టులు లేదా 4 వన్డేలు లేదా 4 టీ20ల నిషేధం విధించవచ్చు. ఇటీవలే సఫారీ పర్యటనలో దక్షిణాఫ్రికా క్రికెటర్‌పై ‘ఏయ్ నల్లోడా' అని స్లెడ్జింగ్‌కి దిగిన పాక్ కెప్టెన్ సర్ఫరాజ్ అహ్మద్‌పై కూడా ఐసీసీ నాలుగు మ్యాచ్‌ల నిషేధం విధించిన సంగతి తెలిసిందే.