'ఓపెనర్‌గా రోహిత్ శర్మ సక్సెస్ అయితే భారత్‌కు తిరుగుండదు'

సంజయ్ బంగర్ మాట్లాడుతూ

ఈ నేపథ్యంలో సంజయ్ బంగర్ మాట్లాడుతూ "సఫారీ పర్యటనలో రోహిత్ శర్మ తన సహజ సిద్ధమైన ఆటతో ఆడాలి. అతని సక్సెస్‌ సూత్రం అదే. దీన్ని టెస్టు ఫార్మాట్‌లో కూడా కొనసాగించాలి. ఇప్పుడున్న పరిస్థితుల్లో భారత టెస్టు జట్టులో మిడిల్‌ ఆర్డర్‌లో పోటీ ఉంది. దాంతో రోహిత్‌కు ఓపెనింగ్‌ సవాల్ ఎదురుకానుంది" అని తెలిపాడు.

సుదీర్ఘ ఫార్మాట్‌లో

"సుదీర్ఘ ఫార్మాట్‌లో రోహిత్‌ సక్సెస్‌ అయిన సందర్భాలు చాలా తక్కువ. ఈ నేపథ్యంలో రోహిత్‌కు వచ్చిన అవకాశాన్ని సద్వినియోగం చేసుకోవాలి. మైదానంలోని గ్యాప్‌లను చూసి మరీ రోహిత్ శర్మ బంతిని బలంగా బాదగలడు. దీంతో బ్యాటింగ్‌లో తన టర్న్ వచ్చే వరకు వేచి ఉండాల్సిన అవసరం లేదు, ఇది అతడి మెంటర్ ఎనర్జీని ఆదా చేస్తుంది" అని బంగర్ చెప్పుకొచ్చాడు.

27 టెస్టు మ్యాచ్‌లు ఆడి 1585 పరుగులు

రోహిత్‌ శర్మ ఇప్పటివరకూ 27 టెస్టు మ్యాచ్‌లు ఆడి 1585 పరుగులు చేశాడు. ఇందులో మూడు సెంచరీలు, 10 హాఫ్‌ సెంచరీలు ఉన్నాయి. సగటు మాత్రం 39.62గా ఉంది. టెస్టుల్లో రోహిత్‌ అత్యధిక వ్యక్తిగత స్కోరు 177. గత వెస్టిండీస్‌ పర్యటనకు రోహిత్‌ను ఎంపిక చేసినా టెస్టుల్లో ఆడే అవకాశం దక్కలేదు

ఓపెనర్‌గా రోహిత్ శర్మ

ఓపెనర్‌గా కేఎల్‌ రాహుల్‌-మయాంక్‌ అగర్వాల్‌లు ఇన్నింగ్స్‌ను ఆరంభించగా, హనుమ విహారి ఆరో స్థానంలో బ్యాటింగ్‌కు దిగాడు. దీంతో రోహిత్‌ రిజర్వ్‌ బెంచ్‌కే పరిమితమయ్యాడు. తాజాగా సఫారీతో మూడు టెస్టు మ్యాచ్‌ల సిరిస్‌లో రాహుల్‌కు జట్టులో చోటు దక్కకపోవడంతో రోహిత్‌ శర్మ ఓపెనర్‌గా బరిలోకి దిగనున్నాడు.