క్రికెట్ రూల్స్ తెలుసుకోండి.. పదే పదే ఇజ్జత్ తీసుకోకండి.. పాక్ ఆటగాళ్లకు సల్మాన్ బట్ అడ్వైజ్!

అది నో బాలే..

'నోబాల్‌ వివాదానికి వస్తే బంతి బ్యాట్‌కు కనెక్ట్‌ అయ్యే సమయంలో బ్యాటర్‌ నడుము కంటే కొంచెం ఎత్తులో ఉంది. అంటే.. నోబాల్‌ అనిపించుకొనే అర్హత దానికి ఉంది. ఆ బంతికి సిక్స్‌ కొట్టాడు. అదే వికెట్‌ పడితే.. నోబాలా కాదా అనే అంశంపై థర్డ్‌ అంపైర్‌కు వెళ్లవచ్చు. అంటే ఈ మ్యాచ్‌లో థర్డ్‌ అంపైర్‌ వద్దకు వెళ్లే అవకాశమే లేదు. ఇక ఫ్రీ హిట్‌ విషయానికి వస్తే.. రనౌట్‌, బంతిని చేతితో ఆపటం,ఫీల్డింగ్‌ను అడ్డుకోవడం, రెండుసార్లు బంతిని కొట్టడం వంటివి జరిగితేనే ఔట్‌గా ఇస్తారు. ఇవి కాకుండా ఏం జరిగినా ఔట్‌ కాదు. ఇక్కడ బంతి వికెట్లను తాకి థర్డ్‌మెన్‌ వైపు వెళ్లింది.

వారికి ఆ అవగాహన ఉంది...

ఈ సమయంలోనే 'ప్రజన్స్‌ ఆఫ్‌ మైండ్‌' చాలా ముఖ్యం. అది ఉండటంతో బ్యాటర్లు మూడు పరుగులు చేశారు. దురదృష్టవశాత్తు పాక్‌ ఆటగాళ్లు ఆటపై అవగాహన లేకుండా అంపైర్‌తో వాగ్వాదానికి దిగారు. ప్రపంచ వ్యాప్తంగా లీగ్స్‌ ఆడే పాక్‌ ఆటగాళ్లకు క్రికెట్‌ నిబంధనలు తెలిసి ఉండాలి. క్రికెట్‌ చట్టాలు.. వాటిని సందర్భానికి అన్వయించుకొనే విషయానికి వస్తే మనవాళ్ల తీరుకు ఓ ఉదాహరణ చెబుతా. గతేడాది ప్రపంచకప్‌ మ్యాచ్‌లో డేవిడ్‌ వార్నర్‌.. హఫీజ్‌ వేసిన బంతిని సిక్స్‌ కొట్టాడు. వాస్తవానికి ఆ బంతి హఫీజ్‌ చేయిజారి పిచ్‌ మధ్యలో పడింది. అది నోబాల్‌. రెండు సార్లు నేలను తాకిన బంతిని కూడా చాలా అవగాహనతో వార్నర్‌ సిక్స్‌గా మలిచాడు.

గతేడాది కూడా..

ఆ బంతికి అతను ఔటయ్యే ఛాన్స్‌ లేదు.. ఈ విషయంపై స్పష్టమైన అవగాహన ఉండటంతో ధైర్యం చేసి సిక్స్‌ కొట్టాడు. దీంతో సిక్స్‌, నోబాల్‌ రన్‌, ఫ్రీ హిట్‌ లభించాయి. అప్పుడు కూడా పాక్‌ ఆటగాళ్లు అంపైర్‌తో చర్చలు జరిపారు. క్రికెట్‌ చట్టాలను అన్వయించుకోవడం, తెలుసుకోవడంలో ఆటగాళ్ల లోపాన్ని ఇది తెలియజేస్తోంది. ఇటువంటి సందర్భాలు తక్కువగా వస్తాయి.. కానీ.. అవి కూడా ఒత్తిడితో కూడిన మ్యాచుల్లోనే ఎదురవుతాయి. కాబట్టి రూల్స్‌పై అవగాహన ఉండటం చాలా ముఖ్యం'అని తెలిపాడు.