ఫోన్ చేస్తే ఎత్త లేదు..
'అక్రమ్ చేసిన కామెంట్స్పై నేను అతనితో మాట్లాడదామని ఫోన్ చేశాను. కానీ నా ఫోన్ ఎత్తలేదు. పాకిస్థాన్ జట్టు తరఫున మేం విదేశీ పర్యటనలకు వెళ్లినప్పుడు అక్కడ వాషింగ్ మిషన్స్ ఉండేవి. మేం మా చేతులతో ఉతికే అవసరమే రాలేదు. మరి అక్రమ్ నా బట్టలు ఎప్పుడు ఉతికాడు? మరి నేను నిజంగా స్వార్థపరుడిని అయ్యుంటే నా సారథ్యంలోనే కదా అతను ఆడింది. తన తొలి మ్యాచ్ను కూడా నా నాయకత్వంలోనే ఆడాడు.
నేను నిజంగా స్వార్థపరుడిని అయితే అక్రమ్కు బౌలింగ్ ఎందుకిస్తా..? బట్టలు ఉతకడం, మసాజ్ చేయడం వంటి పనికిమాలిన కామెంట్స్ చేసి అక్రమ్ తనను తానే తక్కువ చేసుకున్నాడు. అక్రమ్ తన పుస్తకంలో ఏ సెన్స్లో ఈ రాతలు రాసుుకొచ్చాడో అతడికే తెలియాలి. పుస్తకాలు అమ్ముకోవాలనే ఉద్దేశంతో అక్రమ్ ఈ చిప్ ట్రిక్ ఫాలో అయ్యాడు'అని మండిపడ్డాడు.
గతంలో కూడా..
గతంలో సలీమ్ మాలిక్ ఓ ఇంటర్వ్యూలో తాను సారథిగా ఉన్నప్పుడు అక్రమ్, వకార్ యూనిస్లు తనతో మాట్లాడకపోయేవారని తెలిపాడు. 'నేను కెప్టెన్గా ఉన్నప్పుడు అక్రమ్కు బాల్ ఇవ్వడానికి వెళ్తే అతడు నా చేతుల నుంచి బంతిని లాక్కునేవాడు. అక్రమ్, వకార్ లు నాతో మాట్లాడేవాళ్లు కాదు.'అని తెలిపాడు. తాజాగా అక్రమ్ చేసిన కామెంట్స్తో వీళ్లిద్దరి మధ్య విభేదాలు నిజమేనని అర్థమవుతోంది.
ఓ పనోడిలా..
అక్రమ్ తన పుస్తకంలో.. 'తన కంటే రెండేళ్లు జూనియర్ అయినందుకు అతను ఆ అడ్వంటేజీని తీసుకునేవాడు. నాతో ఎప్పుడూ నెగిటివ్ గా ఉండేవాడు. సెల్ఫిష్. ఎప్పుడూ నన్ను తనకు ఓ పనోడిలా భావించేవాడు. తనకు మసాజ్ చేయమని అడిగేవాడు. తన మాసిన బట్టలు, బూట్లను ఉతకమనేవాడు. అప్పుడు నాకు చాలా కోపం వచ్చేది.'అని రాసుకొచ్చాడు.
ఈ ఇద్దరూ కలిసి చాలాకాలం పాటు పాకిస్థాన్ జట్టు తరఫున ఆడారు. ఇమ్రాన్ ఖాన్ సారథ్య బాధ్యతల నుంచి తప్పుకున్నాక పాకిస్థాన్ సారథిగా సలీమ్ మాలిక్ ఎంపికయ్యాడు. 1992 నుంచి 1995 వరకు అక్రమ్.. మాలిక్ సారథ్యంలోనే ఆడాడు. ఈ సందర్భంగా ఇద్దరి మధ్య తీవ్ర విభేదాలు వచ్చాయని అప్పట్లో పాకిస్థాన్ మీడియాలో వరుస కథనాలు వెలువడ్డాయి. సలీమ్ మాలిక్.. 2000 ఫిక్సింగ్ వివాదంలో ఇరుక్కొని జీవితకాల నిషేధం ఎదుర్కొన్నాడు.