భవిష్యత్తులో చాలా మంది..
‘దక్షిణాఫ్రికాతో నా తొలి టెస్టు సిరీస్ తర్వాత లాంగెస్ట్ ఫార్మాట్లో ఇన్ని మ్యాచ్లు ఆడతానని ఊహించలేదు. వరుసగా ప్రతీ మ్యాచ్ ఆడుతూ ఉండటం నిజంగా అదృష్టం. భవిష్యత్తులో మరింత మంది ఆటగాళ్లు తమ దేశం తరఫున అన్ని ఫార్మాట్లలో
100 మ్యాచ్లు ఆడుతారని ఆశిస్తున్నా.'అని టేలర్ తెలిపాడు.
నా అత్యుత్తమ ఇన్నింగ్స్ ..
ఇంగ్లంపై సెంచరీ చేసిన తర్వాత లాంగెస్ట్ ఫార్మాట్పై నమ్మకం పెరిగిందని టేలర్ చెప్పుకొచ్చాడు.‘ఇంగ్లండ్తో జరిగిన టెస్టు మ్యాచ్లో సెంచరీ సాధించిన తర్వాత నా టెస్టు కెరీర్పై నాకు నమ్మకం ఏర్పడింది. మాంచెస్టర్లో నేను సాధించిన 158 పరుగులు నా అత్యుత్తమ ఇన్నింగ్స్. అలాగే శ్రీలంకపై కొలంబోలో 140, 170 పరుగులు కూడా మరచిపోలేనివి. ఆస్ట్రేలియాపై చేసిన 290 స్కోరు కూడా నా కెరీర్ బెస్ట్ ఇన్నింగ్స్లో ఒకటి.'అని అత్యుత్తమ ఇన్నింగ్స్లు ఏవి అన్న ప్రశ్నకు సమాధానంగా టేలర్ తెలిపాడు.
వెల్లింగ్టన్కు ప్రత్యేక స్థానం..
తన కెరీర్లో సాధించినవాటిపట్ల సంతోషంగా ఉన్నానని టేలర్ తెలిపాడు. తన మదిలో వెల్లింగ్టన్ది ప్రత్యేక స్థానమన్నాడు. ‘ఈ సుదీర్ఘ జర్నీ చాలా సంతోషాన్నిచ్చింది. న్యూజిలాండ్ తరుఫున ఇంతటి క్రికెట్ ఆడటం గౌరవంగా భావిస్తున్నా. వెల్లింగ్టన్కు నా గుండేలో ప్రత్యేక స్థానం ఉంది. నా కోసం ఫ్యామిలీ చాలా త్యాగాలు చేసింది. నేను వరుసగా క్రికెట్ మ్యాచ్లు ఆడుతూ ఉండటంపై ఫ్యామిలీని చాలా మిస్సయ్యాను. నా భార్యే పిల్లలకు అన్నీ దగ్గరుండి చూసుకుంది. ఫ్యామిలీ సపోర్ట్ వల్లే ఇక్కడ వరకూ వచ్చా. ఫ్యామిలీ సహకారం లేకపోతే ఈ లాంగ్ జర్నీ ఉండేది కాదు. మా పిల్లలు కూడా నా పరిస్థితిని అర్ధం చేసుకున్నారు. 'అని తెలిపాడు.
నా కూతురు భారత్కు వెళ్ధామంటుంది..
‘నేను ఎప్పుడూ ఏదొకటి చేయాలని ఆలోచిస్తూ ఉంటాను. న్యూజిలాండ్కు ఎప్పుడూ ఆడాలనుకుంటాను. నా కంటే ఎక్కువగా నా ఫ్యామిలీ త్యాగం చేసింది. ఇప్పుడు నా పిల్లలు ట్రావెల్ చేయడానికి ఇష్టపడుతున్నారు. నా కూతురు భారత్ పర్యటనకు వెళదామని అంటోంది' అని టేలర్ పేర్కొన్నాడు.