|
రబాడ అద్భుత బౌలింగ్తో
చివరకు సూపర్ ఓవర్లో రబాడ అద్భుత బౌలింగ్తో కోల్కతాను కట్టడి చేసి ఢిల్లీ క్యాపిటల్స్కు విజయాన్నందించాడు. ఈ మ్యాచ్ అనంతరం ఢిల్లీ జట్టు కెప్టెన్ శ్రేయస్ అయ్యర్ మాట్లాడుతూ "సూపర్ ఓవర్ వేసే ముందు రబడ నేను మాట్లాడుకున్నాం. ఈ ఓవర్ మొత్తం యార్కర్లే మాత్రమే సంధిస్తానని రబాడ ఒట్టేశాడు" అని అన్నాడు.
|
యార్కర్లు సంధించి విజయాన్నందించాడు
"చెప్పినట్టే ఫస్ట్, సెకండ్, థర్డ్ ఇలా ప్రతి బాల్ అద్భుతంగా యార్కర్లు సంధించి విజయాన్నందించాడు. సూపర్ ఓవర్ ఆడాల్సిన పరిస్థితి వస్తుందని అస్సలు ఊహించలేదు. కుల్దీప్ అద్భుతంగా బౌలింగ్ చేసి మా బ్యాట్స్మెన్ను కట్టడి చేశాడు. ఇక నుంచి ఒక ఓవర్ మిగిలుండగానే విజయం అందుకునేలా జాగ్రత్తపడతాం" అని అయ్యర్ సంతోషం వ్యక్తం చేశాడు.
|
రబాడ మాట్లాడుతూ
కోల్కతా భారీ లక్ష్యాన్ని నిర్దేశించడంతో దూకుడుగా ఆడాలని బ్యాట్స్మెన్ అందరం అనుకున్నామని, పృథ్వీషా ఆ దిశగా ఆడాడని, తన ఆటను అలానే కొనసాగిస్తాడని కూడా భావిస్తున్నట్లు శ్రేయస్ అయ్యర్ పేర్కొన్నాడు. మ్యాచ్ అనంతరం రబాడ మాట్లాడుతూ ఒత్తిడిలో బౌలింగ్ చేసి జట్టుకు విజయాన్నందించడం చాలా ఆనందంగా ఉందని అన్నాడు.
|
రబాడ వేసిన సూపర్ ఓవర్లో కేకేఆర్ 7 పరుగులు
యార్కర్లు మాత్రమే సంధించాలని భావించానని, తన ప్రణాళిక పనిచేయడంతో విజయం దక్కిందని చెప్పుకొచ్చాడు. సూపర్ ఓవర్లో తొలుత బ్యాటింగ్ చేసిన ఢిల్లీ ఒక వికెట్ నష్టానికి 10 పరుగులు చేసింది. అనంతరం రబాడ వేసిన సూపర్ ఓవర్లో కోల్కతా 4, 0, ఔట్ (రసెల్), 1, 1, 1లతో మొత్తం 7 పరుగులు మాత్రమే చేసి ఓటమిపాలైన సంగతి తెలిసిందే.