రైనా రెండు సిక్సులు బాదితే:
చెన్నై సూపర్ కింగ్స్ స్టార్ బ్యాట్స్మన్ సురేశా రైనాను ఓ అరుదైన రికార్డు ఊరిస్తోంది. పంజాబ్ కింగ్స్తో ఈరోజు జరుగనున్న మ్యాచులో రైనా రెండు సిక్సులు బాదితే.. ఈ క్యాష్ రిష్ లీగ్లో 200 సిక్స్ మార్క్ను అందుకున్నాడు. ఐపీఎల్ టోర్నీలో 200 సిక్సులు బాదిన 6వ బ్యాట్స్మన్గా రైనా నిలవనున్నాడు. ఈ జాబితాలో పంజాబ్ కింగ్స్ విధ్వసంకర వీరుడు, యూనివర్స్ బాస్ క్రిస్ గేల్ 351 సిక్సులతో మొదటి స్థానంలో ఉన్నాడు. ఏబీ డివిలియర్స్ (237), ఎంఎస్ ధోనీ (216), రోహిత్ శర్మ (215), విరాట్ కోహ్లీ (201) తర్వాతి స్థానాల్లో ఉన్నారు.
రాహుల్కు మరో 67 పరుగులు:
టీ20 క్రికెట్లో 5000 పరుగులు పూర్తి చేయడానికి పంజాబ్ కింగ్స్ సారథి కేఎల్ రాహుల్కు మరో 67 పరుగులు అవసరం. రాహుల్ 82 ఐపీఎల్ మ్యాచులలో 2738 రన్స్.. 49 మ్యాచులు టీమిండియా తరఫున ఆడి 1557 పరుగులు చేశాడు. మొత్తంగా టీ20ల్లో 4 సెంచరీలు రాహుల్ బాదాడు. ఐపీఎల్లో 150 ఔట్లలో భాగం అవ్వడానికి చెన్నై సూపర్ కింగ్స్ కెప్టెన్ ఎంఎస్ ధోనీకి ఇంకా రెండు కావాలి. మహీ ఇప్పటికే 39 స్టంపింగ్లు,109 క్యాచ్లు అందుకున్నాడు. ఇక చెన్నై ఆల్రౌండర్ శార్దుల్ ఠాకూర్కు ఐపీఎల్లో 50 వికెట్లు పూర్తి చేయడానికి ఇంకో 2 వికెట్లు అవసరం.
ఆ రికార్డులు అందుకోనున్నారా:
కేఎల్ రాహుల్ వాంఖడేలో గత నాలుగు మ్యాచులూ చితక్కొట్టాడు. మూడుసార్లు 90 పరుగులకు పైగా స్కోర్ చేశాడు. ఓ సెంచరీ కూడా బాదాడు. మొత్తంగా అక్కడ అతడి సగటు 75 పైనే ఉంది. అతడి బ్యాటింగ్ లయను చూస్తుంటే.. ఈ రోజు మ్యాచ్లోనూ దంచడం ఖాయం అనిపిస్తోంది. 2014 సీజన్లో పంజాబ్పై 25 బంతుల్లో 87 పరుగుల సంచలన ప్రదర్శన చేశాడు సురేష్ రైనా. పంజాబ్పై చెన్నై తరఫున అత్యధిక పరుగులూ (711) అతనివే. ఇక ఎంఎస్ ధోనీ కీపర్ కాబట్టి రెండు ఔట్లు ఖచ్చితంగా అతని ఖాతాలో చేరనున్నాయి. మొత్తానికి ఈ త్రయం ఈ మ్యాచులోనే ఆ రికార్డులు అందుకోనున్నారు.
14 విజయాలతో చెన్నై మెరుగైన రికార్డు:
ఇప్పటి వరకు చెన్నై సూపర్ కింగ్స్, పంజాబ్ కింగ్స్ జట్ల మధ్య జరిగిన 23 ఐపీఎల్ మ్యాచులు జరిగాయి. చెన్నై 14 విజయాలతో మెరుగైన రికార్డు కలిగి ఉంది. ఇక 9 మ్యాచుల్లో పంజాబ్ నెగ్గింది. గతేడాది జరిగిన రెండు మ్యాచుల్లోనూ ధోనీ సేనదే గెలుపు. మరి ఈ మ్యాచ్లో పంజాబ్ ప్రతీకారం ఎలా ఉంటుందో చూడాలి. ముంబై పిచ్ టోర్నీ ఆరంభంలో బ్యాట్స్మన్కు అనుకూలంగా ఉన్నా.. గతరాత్రి స్పిన్నర్లు కూడా అనుకూలించింది. ఢిల్లీ 147 పరుగులే చేసినా.. రాజస్థాన్ కస్టపడి గెలిచింది. మరి ఈరోజు పిచ్ ఎలా ఉండనుందో చూడాలి.