లంకను ఉతికారేసిన టామ్ లాథమ్, తానొక్కడే 264పరుగులతో..

New Zealand vs Sri Lanka, 1st Test: Tom Latham strokes epic 264 as SL stare at defeat

వెల్లింగ్టన్: న్యూజిలాండ్ క్రికెటర్ టామ్ లాథమ్ ఆదేశ టెస్టు క్రికెట్లో చిరస్మరణీయ ఇన్నింగ్స్‌తో ఆకట్టుకున్నాడు. శ్రీలంకతో తొలి టెస్టులో పరుగుల సునామీ సృష్టించాడు. ఓపెనర్‌గా బరిలోకి దిగిన లాథమ్ మొత్తం 489 బంతులు ఆడి 21ఫోర్లు, సిక్స్ సాయంతో 264 పరుగులతో అజేయంగా నిలిచాడు. వీరోచిత పోరాటంతో లంక బౌలర్లపై విరుచుకుపడ్డాడు. ఓవైపు వికెట్లు పడుతున్నా.. మరో ఎండ్‌లో తన జోరు తగ్గించలేదు. కివీస్ ఇన్నింగ్స్ ముగిసేవరకు క్రీజులో ఉన్న లాథమ్ లంక బౌలర్లకు చుక్కలు చూపించాడు.

లంక బౌలర్లకు అవకాశం ఇవ్వకుండా

లాథమ్‌ను ఔట్ చేసేందుకు భారీ వ్యూహాలు రచించి.. ఎన్ని ప్రయత్నాలు చేసినా ఏ మాత్రం ఫలించలేదు. లంక బౌలర్లకు ఎక్కడా చిన్న అవకాశం కూడా ఇవ్వకుండా ఆడేశాడు. ఓర్పు, సహనంతో ఆచితూచి బ్యాటింగ్ చేసి న్యూజిలాండ్‌కు భారీ స్కోరు దిశగా పరుగులు పెట్టించాడు.

578 పరుగులకు లాథమ్ ఒక్కడే 264 పరుగులు

జట్టులో తన స్కోరే హైలెట్‌గా నిలిచింది. తొలి ఇన్నింగ్స్‌లో కివీస్ 578 పరుగులు చేస్తే.. లాథమ్ ఒక్కడే 264 పరుగులు చేశాడు. అవతలి ఎండ్‌లో బ్యాట్స్‌మెన్ సహకరిస్తే అలవోకగా 300 మార్క్‌ను అందుకునే లాథమ్‌కు ఆ అవకాశం కుదరలేదు. లంక బౌలర్ లాహిర్ కుమారా బౌలింగ్‌లో ట్రెంట్ బౌల్ట్ ఔటవడంతో కివీస్ ఇన్నింగ్స్‌కు తెరపడింది. దీంతో న్యూజిలాండ్‌కు తొలి ఇన్నింగ్స్‌లో 296 పరుగుల ఆధిక్యంతో లభించింది. లంక బౌలర్లకు విసుగు తెప్పించేలా బ్యాటింగ్ చేసిన టామ్ చివరికి అవుట్ అవకుండానే కివీస్ ఇన్నింగ్స్‌ పూర్తి అయింది.

276 పరుగులు వెనుకబడిన లంక

మూడో రోజు ఆట ముగిసేసరికి లంక రెండో ఇన్నింగ్స్‌లో 3 వికెట్లకు 20 పరుగులు చేసింది. అయినా లంక ఇంకా 276 పరుగులు వెనకబడి ఉంది. స్వల్ప స్కోరుకే మూడు వికెట్లు కోల్పోయి కష్టాల్లో ఉన్న లంక అనూహ్య ప్రదర్శన చేస్తే తప్ప ఓటమి భారం నుంచి బయటపడే సూచనల్లేవు. కివీస్ మిగిలిన ఏడు వికెట్లు పడగొడితే సిరీస్‌లో 1-0తో ఆధిక్యం సంపాదించనుంది. తొలి ఇన్నింగ్స్‌లో శ్రీలంక 282 పరుగులకు ఆలౌటైన విషయం తెలిసిందే.

For Quick Alerts
ALLOW NOTIFICATIONS
For Daily Alerts
Story first published: Monday, December 17, 2018, 17:25 [IST]
Other articles published on Dec 17, 2018
POLLS
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more