నా బౌలింగ్ గురించి నోట్స్
"ఆయన నాతో చాలా సమయం గడిపారు. నా బౌలింగ్ గురించి నోట్స్ రాసుకున్నారు. బంతులు విసిరేటప్పుడు ఏ కండరాలు ఉపయోగించాలి, ఏ ప్రాంతాల్లో బంతులు వేయాలో చెప్పారు. భారత్-ఏ తరఫున న్యూజిలాండ్ వెళ్లేటప్పుడూ ఆయనతో మాట్లాడాను. ఆ సలహాలు అద్భుతంగా ఉపయోగపడ్డాయి" అని సిద్ధార్థ్ కౌల్ చెప్పుకొచ్చాడు.
రాహుల్ సర్ గురించి
"భారత్-ఏ కోచ్ రాహుల్ సర్ గురించి ఎంత చెప్పినా తక్కువే. ఆయన నాలెడ్జిని వెలకట్టలేం. ఆయన సలహాలు నాకెంతగానో ఉపయోగపడ్డాయి" అని చెప్పాడు. పంజాబ్ తరఫున సిద్ధార్థ్ కౌల్ రంజీల్లో అద్ఫుత ప్రదర్శన చేశాడు. భారత్-ఏ తరఫున అదరగొట్టాడు. ఐపీఎల్లో సన్రైజర్స్ హైదరాబాద్కు ప్రాతినిథ్యం వహిస్తున్నాడు.
కివీస్ పర్యటనలో ఐదు వన్డేలు, మూడు టీ20లు
న్యూజిలాండ్ పర్యటనలో భాగంగా టీమిండియా ఐదు వన్డేలు, మూడు టీ20లు ఆడనుంది. కోహ్లీసేన ఆడే టీ20 మ్యాచ్లను వెల్లింగ్టన్, ఆక్లాండ్, హమిల్టన్లలో నిర్వహించనున్నారు. అదే సమయంలో భారత మహిళల జట్టు కూడా న్యూజిలాండ్లో పర్యటించనుంది. మహిళల జట్టు మూడు వన్డేలు, మూడు టీ20ల్లో తలపడనుంది.
ఇండియా-ఏ జట్టు కూడా
ఇండియా-ఏ జట్టు కూడా జనవరిలో న్యూజిలాండ్లో పర్యటించనుంది. న్యూజిలాండ్-ఏతో 3 నాలుగు రోజుల మ్యాచ్లు, మూడు వన్డేలు ఆడనుంది. నాలుగు రోజుల మ్యాచ్లను వరుసగా మౌంట్ మౌంగనుయి, సెడాన్ పార్క్, కోబం ఓవల్లో నిర్వహించనుండగా.. వన్డేలకు బే ఓవల్ ఆతిథ్యం ఇవ్వనుంది.