నువ్వు ఎదుర్కొన్న టఫ్ బ్యాట్స్‌మన్‌ ఎవరు?: మాట మార్చిన అమీర్

స్మిత్‌కు బౌలింగ్‌ చేయడం ఓ సవాల్

స్మిత్‌కు బౌలింగ్‌ చేయడమంటే ఒక సవాల్‌తో కూడుకున్నదని అమీర్‌ తెలిపాడు. ఏ కాలంలోనైనా అత్యుత్తమ బ్యాట్స్‌మన్ ఎవరు అన్న ప్రశ్నకు గాను వెస్టిండిస్ క్రికెట్ దిగ్గజం బ్రియాన్ లారాని అమీర్ ఎంపిక చేశాడు. బ్రియాన్ లారాకి బౌలింగ్ చేయడాన్ని ఎంతో గానో ఆస్వాదిస్తానని తెలిపాడు.

షాహిద్ కపూర్ హీరోగా నటిస్తే బాగుంటుంది

ఏ కాలంలోనే అత్యంత కఠినమైన బ్యాట్స్ మన్ లారానే అని ప్రశంసల వర్షం కురిపించాడు. ఒకవేళ తన జీవితాన్ని బయోపిక్‌‌గా తీస్తే అందులో షాహిద్ కపూర్ హీరోగా నటిస్తే బాగుంటుందని సూచించాడు. ఇక, తనకు ఇష్టమైన పుట్‌బాల్ జట్టు అర్జెంటీనా అని, ఫేవరేట్ ప్లేయర్ మాంచెస్టర్ సిటీ స్ట్రయికర్ సెర్జియో అగురో అని చెప్పాడు.

ఏడాది పాటు నిషేధానికి గురైన స్టీవ్ స్మిత్

ఈ ఏడాది మార్చిలో సఫారీ గడ్డపై దక్షిణాఫ్రికాతో కేప్‌టౌన్ వేదికగా జరిగిన మూడో టెస్టులో బాల్ టాంపరింగ్‌కు పాల్పడిన స్టీవ్ స్మిత్‌పై క్రికెట్ ఆస్ట్రేలియా ఏడాదిపాటు నిషేధం విధించిన సంగతి తెలిసిందే. మోడ్రన్ డే క్రికెట్‌లో దిగ్గజ క్రికెటర్లలో ఒకడిగా మన్ననలు అందుకుంటోన్న స్టీవ్ స్మిత్ 64 టెస్టులకు గాను 6,199 పరుగులు సాధించాడు.

టెస్టుల్లో 23 సెంచరీలు నమోదు చేసిన స్మిత్

ఇందులో 61.38 యావరేజితో 23 సెంచరీలు స్మిత్‌ నమోదు చేశాడు. ఇక, కోహ్లీ విషయానికి వస్తే 66 టెస్టులాడి 5, 554 పరుగులు సాధించాడు. 53కు పైగా యావరేజితో 21 సెంచరీలు నమోదు చేశాడు. పరిమిత ఓవర్ల క్రికెట్‌లో మాత్రం స్మిత్‌తో పోలిస్తే కోహ్లీదే పైచేయి. 208 వన్డేల్లో 58.11 యావరేజితో కోహ్లీ 9,588 పరుగులు చేశాడు.

వన్డేల్లో 35 సెంచరీలు బాదిన కోహ్లీ

ఇందులో 35 సెంచరీలు ఉన్నాయి. టీ20ల్లో 60 మ్యాచ్‌లాడిన కోహ్లీ 49.07 యావరేజితో 2,012 పరుగులు చేశాడు. అదే, స్మిత్‌ విషయానికొస్తే.. 108 వన్డేలాడి 44పైగా యావరేజితో 3,431 పరుగులు నమోదు చేశాడు. ఇందులో 8 సెంచరీలను స్మిత్‌ సాధించాడు. టీ20ల్లో 30 మ్యాచ్‌లాడి 21.55 యావరేజ్‌తో 431 పరుగులు నమోదు చేశాడు.