ఈ విజయం నా భార్యకు అంకితం: పొల్లార్డ్

ఆమెకే అంకితం:

మ్యాచ్ అనంతరం పొలార్డ్ మాట్లాడుతూ... 'దేవుడికి కృతజ్ఞతలు చెప్పాలనుకుంటున్నాను. ఎందుకంటే నాకు ఇంత బలం ఇచ్చినందుకు దేవుడికి ధన్యవాదాలు. అలాగే నా భార్య కూడా ధన్యవాదాలు. ఈ రోజు ఆమె పుట్టినరోజు.. ఈ అద్భుత విజయం ఆమెకే అంకితం' అని పొలార్డ్ తెలిపారు.

వాంఖడేలో బ్యాటింగ్ చేయడం ఇష్టం:

'వాంఖడేలో బ్యాటింగ్ చేయడం చాలా ఇష్టం. అందుకే బ్యాటింగ్ ఆర్డర్లో ముందుగా వచ్చా. పిచ్‌పై స్పిన్ బౌలింగ్ కూడా అంతలా పనిచేయకపోవడంతో.. అశ్విన్ ని టార్గెట్ చేసాం. దురదృష్టవశాత్తు అది ఫలించలేదు. ఈ పిచ్‌పై బౌలింగ్ చేయడం కష్టం. పిచ్‌ బ్యాటింగ్ కు అనుకూలంగా ఉంది. మధ్య ఓవర్లలో కొద్దిగా తడబడ్డా కూడా చివరికి విజయం సాధించాం' అని పొలార్డ్ పేర్కొన్నారు.

ముందే టార్గెట్ చేశా:

'చివర్లో ఓ రెండు ఓవర్లని టార్గెట్ చేయాలని ముందే అనుకున్నా. షమీ, కరన్ ఓవర్ల రూపంలో నాకు ఆ అవకాశం లభించింది. ప్రతిసారి 190 పైచిలుకు స్కోర్లని ఛేదించడం సాధ్యం కాకపోవచ్చు. కానీ ఈ రోజు సాధ్యమైంది. జట్టు విజయం సాధించడం సంతోషంగా ఉంది. వచ్చే మ్యాచ్‌కు రోహిత్ జట్టులోకి వస్తాడు' అని పొలార్డ్ చెప్పుకొచ్చారు.