Click it and Unblock the Notifications
తిరిగి బౌలింగ్ ప్రారంభించిన పాండ్యా
కొన్నాళ్ల పాటు వెన్ను గాయం వల్ల బౌలింగ్‌కు దూరమైన హార్దిక్.. తిరిగి బౌలింగ్ చేయడం ప్రారంభించాడు. యూఏఈలో ఆసియా కప్, ఆస్ట్రేలియాలో టీ20 ప్రపంచకప్‌ టైంలో హార్దిక్ పాండ్యా బౌలింగ్ విభాగంలో మంచి సమతుల్యతను అందించగలడు. ఇకపోతే ప్రస్తుతం జింబాబ్వే క్రికెట్ టీంకు బ్యాటింగ్ కోచ్‌గా క్లూసెనర్ పనిచేస్తున్నాడు. రాబోయే వన్డే సిరీస్‌కు ముందు టైమ్స్ ఆఫ్ ఇండియాతో మాట్లాడిన క్లూసెనర్ పాండ్యాను ప్రశంసలతో ముంచెత్తాడు. ఏ టీంకైనా పాండ్యా లాంటి ప్లేయర్ అవసరమని, అతను మంచి ఫామ్‌లోకి తిరిగి రావడం పట్ల ఆనందంగా ఉందని, పాండ్యాతో కూడిన భారత జట్టు పూర్తిగా భిన్నమైనదని క్లూసెనర్ చెప్పాడు.
హార్దిక్ ఉంటే వేరేగా ఉంటుంది
‘హార్దిక్ పాండ్యా వంటి ఫాస్ట్ బౌలింగ్ ఆల్రౌండర్ జట్టులో ఉంటే ఆ జట్టుకు కాస్త ఎడ్జ్ ఉంటుంది. అతను తిరిగి జట్టులోకి రావడం, తనదైన ఫామ్‌లోకి రావడం మంచి పరిణామం. హార్దిక్ తుది జట్టులో ఉంటే భారత జట్టు చాలా భిన్నంగా కనిపిస్తుంది. ప్రస్తుతం పాండ్యా ఫుల్ ఫ్లోలో ఉన్నాడు' అని క్లూసెనర్ చెప్పాడు. భారత్‌తో జరగనున్న సిరీస్ గురించి మాట్లాడుతూ.. జింబాబ్వే జట్టుకు ఇది మంచి ప్రాక్టీస్ అవుతుందని, ఆటగాళ్లు అంతర్జాతీయ హై స్థాయి ఆటను నేర్చుకునేందుకు, ఎదగడానికి ఇది మంచి అవకాశంగా నిలుస్తుందని క్లూసెనర్ అన్నాడు.
వన్డే క్రికెట్లో ఇలాంటివి కూడా జరుగుతాయా అని..
‘మేం చాలా ఆసక్తిగా ఎదురుచూస్తున్న సిరీస్ ఇది. జింబాబ్వే లాంటి జట్టు భారత్ లాంటి అగ్రశ్రేణి జట్టుతో ఆడడం జింబాబ్వేకు గొప్ప ప్రాక్టీసు. ఇది మా జట్టుకు గొప్ప సవాలు. మా ప్లేయర్లు మరింత నేర్చుకుంటారు. మరింత ఎదగగలరు. మేము మంచి క్రికెట్ ఆడాలనుకుంటున్నాము. అలాగే భారత్ కూడా తమ అసలైన గేమ్ ఆడాలని ఆశిస్తున్నాము. ఆ జట్టు తీవ్రమైన డెప్త్ కలిగి ఉంది. భారత్ తమ అసలు సిసలు ఆటను కనబరిస్తే.. మా జట్టు కంటే భారత్ అందనంత బలమైనదే. మాకు భారత్ నుంచి అలాంటి ఆట కావాలి. ఒకవేళ మా జట్టు బాగా ఆడి వారిని ఒత్తిడికి గురిచేస్తే.. వన్డే క్రికెట్లో ఇలాంటివి కూడా జరుగుతాయా అని ఆశ్చర్యపోకమానరు' అని క్లూసెనర్ అన్నాడు.
