ఐపీఎల్‌లో మసాజ్‌ థెరపిస్ట్‌గా నవనీత గౌతమ్‌: ఏమైనా భయాలు ఉన్నాయా?

కెనడాకు చెందిన నవనీత

కెనడాకు చెందిన నవనీతకు మసాజ్ థెరపిస్ట్‌గా ఇది మొదటి ఎస్సైన్మెంట్ కాదు. ఆమె గతంలో గ్లోబల్ టి20 కెనడాలో టొరంటో నేషనల్స్‌తో జట్టుతో కలిసి పనిచేసింది. ఆసియా కప్ సందర్భంగా భారత మహిళల బాస్కెట్‌బాల్ జట్టుతో కూడా కలిసి పనిచేసింది. అయితే, ఐపీఎల్‌ సహాయక సిబ్బందిలో భాగమైన మొదటి, ఏకైక మహిళగా నిలిచింది.

ఏమైనా భయాలు ఉన్నాయా?

ఈ నేపథ్యంలో నవనీత గౌతమ్‌ని ఏమైనా భయాలు ఉన్నాయా? అని అడిగిన ప్రశ్నకు "ఖచ్చితంగా కాదు. ఇది ఎప్పుడైనా 20 మంది సోదరులను కలిగి ఉండటం వంటిది" అని పేర్కొంది. అథ్లెట్లను తిరిగి మైదానంలోకి తీసుకురావడం కోసం ఆరోగ్య నిపుణులు అందరం కలిసి ఒక బృందంగా కలిసి పనిచేస్తున్నందు వల్ల జెండర్ అనేది సమస్య కాదని తెలిపారు.

జెండర్ అనేది సమస్య కాదు

"నెమ్మదిగా కానీ ఖచ్చితంగా, పరివర్తన జరుగుతోంది. క్రీడాకారులు మరియు సహాయక సిబ్బంది మీ పనిని విశ్వసించినంత కాలం, అథ్లెట్లను తిరిగి మైదానంలోకి తీసుకురావడం కోసం ఆరోగ్య నిపుణులు అందరం కలిసి ఒక బృందంగా కలిసి పనిచేస్తున్నందు వల్ల జెండర్ అనేది సమస్య కాదని నేను నమ్ముతున్నాను" అని నవనీత పేర్కొన్నారు.

టొరంటో నేషనల్స్‌తో అనుభవం అద్భుతం

"గ్లోబల్ టి20 లీగ్‌లో టొరంటో నేషనల్స్‌తో అనుభవం అద్భుతమైనది. ఇప్పుడు ఐపీఎల్‌కు మారడం సరదాగా ఉండాలి. ఇందులో ప్రతి ఒక్క అథ్లెట్ యొక్క శరీర రకం/కండరాల నాణ్యతతో పాటు వారి ఇష్టాలు... అయిష్టాలను అర్థం చేసుకోవడం ప్రధాన సవాళ్లలో ఒకటి. ఆ తర్వాత నుంచి ఇది చాలా సున్నితంగా సాగుతుందని అనుకుంటున్నా" అని ఆమె తెలిపారు.