టీ20 పవర్ ప్లేలో అత్యధిక స్కోరు: చరిత్ర సృష్టించిన ఐర్లాండ్

పవర్ ప్లేలో 93 పరుగులు

అలాగే వీరిద్దరూ పవర్ ప్లేలో ఆరు ఓవర్లకు గాను 93 పరుగులు రాబట్టారు. దీంతో టీ20 చరిత్రలో అత్యధిక పరుగులు రాబట్టిన జోడీగా సరికొత్త రికార్డు సృష్టించారు. 20 బంతుల్లో హాఫ్ సెంచరీ సాధించిన పాల్ స్టిర్లింగ్ మరింత దూకుడుగా ఆడే క్రమంలో సెంచరీ ముంగిట విండిస్ బౌలర్ హెడెన్ వాల్ష్ బౌలింగ్‌లో పెవిలియన్‌కు చేరాడు.

47 బంతుల్లో 95

29 ఏళ్ల పాల్ స్టిర్లింగ్ 47 బంతుల్లో 8 సిక్సుల సాయంతో 95 పరుగులు చేశాడు. మరో ఓపెనర్ కెవిన్ ఓబ్రెయిన్‌ కూడా చెలరేగి ఆడటంతో ఐర్లాండ్ నిర్ణీత 20 ఓవర్లలో 208 పరుగులు చేసింది. ఇటీవలే అంతర్జాతీయ క్రికెట్‌లోకి తిరిగి పునరాగమనం చేసిన డ్వేన్ బ్రావో ఈ మ్యాచ్‌లో రెండు వికెట్లు పడగొట్టాడు.

టాప్ స్కోరర్‌గా ఎవిన్ లూయిస్

అనంతరం 209 పరుగుల విజయ లక్ష్యంతో బరిలోకి దిగిన వెస్టిండిస్ జట్టులో ఎవిన్ లూయిస్(53) టాప్ స్కోరర్‌గా నిలిచాడు. మిగతా బ్యాట్స్‌మెన్ కూడా రాణించడంతో ఆఖర్లో వెస్టిండిస్ విజయానికి 12 బంతుల్లో 16 పరుగులు అవసరమయ్యాయి. అదే సరైన సమయంలో ఐరిష్ బౌలర్లు నికోలస్ పూరన్‌ను ఔట్ చేశారు.

4 పరుగుల తేడాతో విండిస్ ఓటమి

అయితే, ఆఖరి ఓవర్‌లో డ్వేన్ బ్రావో సిక్స్ బాదడంతో మ్యాచ్ మరింత ఉత్కంఠగా మారింది. అయితే డ్వేన్ బ్రావో, రూథర్‌ఫర్డ్ వికెట్లను కోల్పోవడంతో ఐర్లాండ్ 4 పరుగుల తేడాతో విజయం సాధించింది. ఫలితంగా ఈ సిరిస్‌లో ఐర్లాండ్ 1-0 ఆధిక్యంలో నిలిచింది. ఇరు జట్ల మధ్య రెండో టీ20 జనవరి 18న జరగనుంది.