డివిలియర్స్ రషీద్ ఖాన్‌ని తొక్కేశాడు (వీడియో)

చక్కగా అంచనా వేసి బ్యాటింగ్‌కు దిగింది

ప్లేఆఫ్ రేసులో ఉండాలంటే ఇదే ఆఖరి మ్యాచ్...పరిస్థితులను చక్కగా అంచనా వేసి బ్యాటింగ్‌కు దిగింది బెంగళూరు. ఆరంభం నుంచే దూకుడుగా ఆడిన బెంగళూరుకు డివిలియర్స్ ఇన్నింగ్స్ మంచి ఊపునిచ్చింది. ఈ తరుణంలో మొయిన్ అలీ, డివిలియర్స్ భాగస్వామ్యం చక్కగా రాణించింది. సరిగ్గా డివిలియర్స్ అవుట్ అయ్యాక జట్టు ఆందోళనకు గురవడంతో.. క్రీజులోకి వచ్చిన గ్రాండ్ హోమ్ తనదైన స్థాయిలో స్కోరును పరుగులు పెట్టించాడు.

గ్రాండ్ హోమ్ ముగింపు ఇస్తాడనుకున్న తరుణంలో

అప్పటికే నిలదొక్కుకున్న గ్రాండ్ హోమ్ మంచి ముగింపు ఇస్తాడనుకున్న తరుణంలో 19.2 ఓవర్లకు సిద్ధార్థ్ కౌల్ బౌలింగ్‌లో రషీద్ ఖాన్ క్యాచ్ పట్టడంతో గ్రాండ్ హోమ్ పెవిలియన్ బాటపట్టాల్సి వచ్చింది. చేధనకు దిగిన హైదరాబాద్ ధాటిగా ఆడుతూ టార్గెట్‌ను చేరుకుంటుంది అనుకుంటున్న సమయంలో మొయిన్ అలీ బౌలింగ్‌లో అలెక్స్ హేల్స్ క్యాచ్‌ను డివిలియర్స్ అందుకుని మ్యాచ్‌ను మలుపుతిప్పాడు.

రషీద్ ఖాన్ పట్టిన క్యాచ్‌ను అంతా మర్చిపోయారు

దీంతో బెంగళూరు ఇన్నింగ్స్‌లో రషీద్ ఖాన్ పట్టిన క్యాచ్‌ను అంతా మర్చిపోయారు. ఎందుకంటే బుల్లెట్‌లా దూసుకొచ్చిన బంతిని రషీద్ ఖాన్ ఒంటిచేత్తో పట్టుకుంటే.. డివిలియర్స్ దాదాపు సిక్సు అనుకున్న బంతిని ఎగిరి సూపర్ మ్యాన్‌లా అందుకున్నాడు.

విలియమ్‌సన్ వీరోచిత పోరాటానికి సత్ఫలితం

కెప్టెన్ కేన్ విలియమ్‌సన్ వీరోచిత పోరాటానికి సత్ఫలితం దక్కలేదు. మూడో వికెట్‌గా బరిలోకి దిగిన కేన్ 42 బంతుల్లో 81పరుగులు చేసి జట్టు భారమంతటిని ఒక్కడే చివరి వరకూ మోసాడు. ఈ నేపథ్యంలో ఇంకా 5బంతులు మిగిలి ఉండగానే గ్రాండ్ హోమ్‌కు ఇచ్చి వెనుదిరిగాడు. తర్వాత బ్యాటింగ్‌కు దిగిన వారు సరిగా రాణించకపోవడంతో బెంగళూరు 14పరుగుల తేడాతో విజయాన్ని చేజిక్కుంచుకుంది.