ఐపీఎల్ 2018 గీతం విడుదల , ఆగ్రహం వ్యక్తం చేస్తున్న అభిమానులు

హైదరాబాద్: ఐపీఎల్ 2018 కోసం సర్వం సిద్ధమైంది. ఫ్రాంచైజీలు ఇప్పటికే జట్టులో కెప్టెన్, కోచ్‌లతో సహా అన్ని ఏర్పాట్లను పూర్తి చేసుకున్నాయి. అయితే ఈ ఏడాది ఐపీఎల్ ప్రసార హక్కుల దక్కించుకున్న స్టార్‌ స్పోర్ట్స్‌ ఈ 11వ సీజన్‌కు సంబంధించిన ఐపీఎల్ గీతాన్ని విడుదల చేసింది. బెస్ట్ వర్సెస్ బెస్ట్ శీర్షికతో విడుదల చేసిన ఈ గీతం కొంతసమయంలోనే సోషల్‌మీడియాలో వైరల్ అయింది.

The wait is finally over! The much anticipated #VIVOIPL 2018 anthem is here, heralding the face-off of the #BestvsBest! Is khel ka yaaron kya kehna! pic.twitter.com/MgpvoJVjYC

— Star Sports (@StarSportsIndia) March 12, 2018

గత పది సీజన్లుగా ఐపీఎల్‌లో జరిగిన ముఖ్య సంఘటనలు మిక్స్ చేస్తూ దానికి ఓ పాటని జత చేసి ఈ గీతాన్ని విడుదల చేశారు. అయితే ఈ గీతం అంత ఆసక్తిగా లేకపోవడంతో ఐపీఎల్ అభిమానులు అసంతృప్తికి గురైయ్యారు. ఇండియన్ ప్రీమియర్ లీగ్‌ను గత పదేళ్లుగా సోని టెలివిజన్ ఐపీఎల్‌ను ప్రసారం చేస్తూ వచ్చింది.

In camera quality and sound effect stars sports is better but for entairtainment and other in IPL Sony was better and I am pretty sure this extra innings will be too bore only analysis and all nothing else

— Nachiket Kulkarni (@nachikulk13) March 12, 2018

ప్రతీ ఏడాది ఓ కొత్త తరహా పాటతో సోని నెట్‌వర్క్ అభిమానుల్ని అలరిస్తూ వస్తోంది. ట్విట్టర్ వేదికగా విడుదల చేసిన ఈ గీతంపై అభిమానులు అసంతృప్తి వ్యక్తం చేస్తున్నారు. గత ఏడాది వచ్చిన పాటల్ని రీమిక్స్ చేసి ఈ పాటను విడుదల చేశారని కామెంట్ చేస్తున్నారు. ఈ ఏడాది కూడా ప్రసారహక్కులు సోనీ వద్దే ఉంటే.. ఇంతకంటే మెరుగైన గీతాన్ని విడుదల చేసేదని అంటున్నారు.

In camera quality and sound effect stars sports is better but for entairtainment and other in IPL Sony was better and I am pretty sure this extra innings will be too bore only analysis and all nothing else

— Nachiket Kulkarni (@nachikulk13) March 12, 2018

మరికొందరు నిరుత్సాహంతో మొత్తానికి ఏదో ఒక పాటనైతే విడుదల చేశారు.. థాంక్స్ అంటూ సెటైర్లు వేస్తున్నారు. ఈ ఏడాది ఏప్రిల్ 7నుంచి ఐపీఎల్ 11వ సీజన్ ప్రారంభంకానుంది. తొలి మ్యాచ్ వాంఖడే స్టేడియం వేదికగా చెన్నై సూపర్‌కింగ్స్ - ముంబై ఇండియన్స్ మధ్య ఏప్రిల్ 7న జరుగనుంది.