వరల్డ్‌కప్‌కు ఐపీఎల్ ఓ చక్కటి ప్రిపరేషన్: స్టీవ్ స్మిత్

ఐపీఎల్ ద్వారా ఎన్నో విషయాలు

"నా విషయానికొస్తే ఈ ఐపీఎల్ ద్వారా ఎన్నో విషయాల్లో మెరుగుయ్యాను. ముఖ్యంగా ప్రత్యర్థి జట్లలో అత్యుత్తమ బౌలర్లను ఎదుర్కొగలిగే అవకాశం దొరికింది. ఇక, రాజస్థాన్ జట్టు ప్లేఆఫ్‌ రేసులో నిలవాలంటే లీగ్‌లో మిగిలిన రెండు మ్యాచ్‌ల్లో తప్పక గెలవాలి. అయితే మా ఆటగాళ్లు తమ స్థాయి మేరకు మెరుగైన ప్రదర్శనే చేస్తారు" అని స్మిత్ అన్నాడు.

స్టీవ్ స్మిత్‌కు ఇదే ఆఖరి మ్యాచ్

ఈ సీజన్‌లో స్టీవ్ స్మిత్‌కు ఇదే ఆఖరి మ్యాచ్. ఈ మ్యాచ్ అనంతరం స్టీవ్ స్మిత్ వరల్డ్ కప్ సన్నాహాకాల్లో భాగంగా ఆస్ట్రేలియాకు పయనం కావాల్సి ఉంది. కాగా, ఈ సీజన్‌లో అద్భుత ప్రదర్శన చేస్తోన్న యువ ఆటగాడు, జట్టులోని సహచర ఆటగాడు శ్రేయస్‌ గోపాల్‌‌పై స్మిత్ ప్రశంసల వర్షం కురిపించాడు.

ఆఖరి నుంచి రెండో స్థానంలో రాజస్థాన్

ఈ సీజన్‌లో ఈ రెండు జట్లు ఇప్పటివరకు 12 మ్యాచ్‌లాడాయి. ఈ సీజన్‌లో ఇరు జట్లు రెండోసారి తలపడుతున్నాయి. చివరగా ఈ రెండు జట్లు ఆడిన మ్యాచ్‌లో రాజస్థాన్ రాయల్స్ 7 వికెట్ల తేడాతో విజయం సాధించింది. ఈ సీజన్‌లో ఇప్పటివరకు రాజస్థాన్ 8 మ్యాచ్‌ల్లో విజయం సాధించగా.... ఆర్సీబీ మాత్రం 8 పాయింట్లతో పట్టికలో ఆఖరి స్థానంలో కొనసాగుతుంది.

ఆర్సీబీ ప్లేఆఫ్‌ మ్యాచ్‌లకు దూరమైనట్టే!

టెక్నికల్‌గా చెప్పాలంటే ఆర్సీబీ ప్లేఆఫ్‌ మ్యాచ్‌లకు దూరమైనట్టే. అయితే, మిగతా జట్ల ఓటములు ఆర్సీబీకి కలిసొచ్చే అవకాశం ఉంది. ఈ సీజన్‌ ఆర్సీబీకి ఎంతమాత్రం కలిసి రాలేదు. సీజన్ ఆరంభంలో వరుసగా ఆరు మ్యాచ్‌ల్లో ఓడిపోయింది. అంతేకాదు ఐపీఎల్‌లో 100 ఓటములను ఎదుర్కొన్న తొలి జట్టుగా ఆర్సీబీ ఓ చెత్త రికార్డుని తన ఖాతాలో వేసుకుంది.