|
ఆ రికార్డ్ నమోదు చేసిన మూడో ప్లేయర్గా
ఇక ఈ సీజన్లో 16మ్యాచుల్లో బట్లర్ 4సెంచరీలు, 4హాఫ్ సెంచరీలతో మొత్తం 824పరుగులు చేశాడు. ఇక ఒక సీజన్లో 800కంటే ఎక్కువ పరుగులు చేసిన మూడో బ్యాటర్గా నిలిచాడు. అంతకుముందు విరాట్ కోహ్లీ, డేవిడ్ వార్నర్ ఈ ఫీట్ సాధించారు. ఇకపోతే ఒక సీజన్లో అత్యధిక పరుగులు చేసిన ప్లేయర్ల జాబితాలోనూ మూడో స్థానంలో బట్లర్ నిలిచాడు.
ఈ జాబితాలో ఆర్సీబీ స్టార్ విరాట్ కోహ్లీ (973పరుగులు) తొలిస్థానంలో ఉండగా.. రెండో స్థానంలో సన్ రైజర్స్ హైదరాబాద్ ప్లేయర్ డేవిడ్ వార్నర్ 848పరుగులు ఉన్నాడు. ఇక మూడో స్థానంలో జోస్ బట్లర్ (824పరుగులు మరో మ్యాచ్ మిగిలి ఉంది)కొనసాగుతున్నాడు. ఫైనల్లో మరో 25పరుగులు చేస్తే రెండో స్థానానికి బట్లర్ ఎగబాకుతాడు.
|
సెంచరీల ధీరుడు
ఇక ఒకే సీజన్లో అత్యధిక సెంచరీలు చేసిన ప్లేయర్గా జోస్ బట్లర్ (4సెంచరీలు), విరాట్ కోహ్లీ (4సెంచరీలు)తో తొలి స్థానంలో ఉన్నాడు. ఇక 2016లో విరాట్ కోహ్లీ 4సెంచరీలు ఏడు హాఫ్ సెంచరీలతో మొత్తం 973పరుగులు చేయగా.. బట్లర్ 4సెంచరీలు 4 హాఫ్ సెంచరీలతో 824పరుగులు చేశాడు. ఇకపోతే ఐపీఎల్లో అత్యధిక సెంచరీలు చేసిన ప్లేయర్ల జాబితాలో గేల్ (6సెంచరీలు) తొలి స్థానంలో ఉండగా.. తర్వాతి స్థానంలో విరాట్ కోహ్లీ (5), బట్లర్ (5)తో రెండో స్థానంలో ఉన్నారు. ఇక మూడో స్థానంలో 4సెంచరీలతో షేన్ వాట్సన్, కేఎల్ రాహుల్, డేవిడ్ వార్నర్ ఉన్నారు. ఇక ఒకే టోర్నీలో అత్యధిక సెంచరీలు బాదిన ప్లేయర్ల లిస్టులోనూ బట్లర్ రికార్డు నెలకొల్పాడు. విరాట్ కోహ్లీ (4సెంచరీలు ఐపీఎల్ 2016), బట్లర్ (4సెంచరీలు ఐపీఎల్ 2022), మైకెల్ క్లింగర్ (3సెంచరీలు టీ20 బ్లాస్ 2015)తో కొనసాగుతున్నారు.
|
బౌండరీల శూరుడు
ఒక్క సీజన్లో బట్లర్ బ్యాటింగ్ ధాటికి బౌండరీలు వరదలా వచ్చాయి. ఒకే సీజన్లో బట్లర్ ఏకంగా 45సిక్సులు బాదాడు. ఈ సీజన్లో అత్యధిక సిక్సర్లు (45) బాదిన ప్లేయర్గా బట్లర్ నిలిచాడు. ఇక ఒకే సీజన్లో అత్యధిక సిక్సర్లు బాదిన ప్లేయర్ల లిస్టులో బట్లర్ టాప్ 5లో చోటు సంపాదించాడు. అంతకుముందు 2012లో క్రిస్ గేల్ 59సిక్సులు, 2019లో ఆండ్రూ రస్సెల్ 52, 2013లో క్రిస్ గేల్ 51, 2022లో బట్లర్ 45, 2011లో క్రిస్ గేల్ 44 సిక్సులు బాది టాప్ 5లో ఉన్నారు. ఇక ఈ సీజన్లో అత్యధిక ఫోర్లు (78) కొట్టిన ప్లేయర్గా బట్లర్ కొనసాగుతున్నాడు.