Liam Livingstone: ఉమ్రాన్ మాలిక్ అయితే ఏంటీ తొక్క.. 153కి.మీ బంతికి సిక్స్, లివింగ్‌స్టోన్ రికార్డులివే

ఉమ్రాన్ మాలిక్ అయితే ఏంటీ?

ఇక ఈ క్రమంలో ఉమ్రాన్ మాలిక్ వేసిన 8వ ఓవర్లో లివింగ్ స్టోన్ చివరి రెండు బంతుల్లో సిక్సర్లు బాదాడు. అందులో ఓ బంతి 153కి.మీల వేగంతో పడింది. అంతా వేగవంతమైన బంతి పడ్డప్పటికీ ఏమాత్రం జంకకుండా లివింగ్ స్టోన్ అంతే వేగంతో సిక్సర్ బాది వారెవ్వా అనిపించాడు. ఇక లివింగ్ స్టోన్‌తో తన ఇన్నింగ్స్‌లో 5సిక్సర్లు బాదాడు.

త్రుటిలో హాఫ్ సెంచరీ మిస్ చేసుకున్నాడు. అందుక్కారణం.. 16ఓవర్ తొలి బంతికి అవతలి ఎండ్ లో ఉన్న మంకడ్ ఫోర్ కొట్టడం దీంతో పంజాబ్ గెలుపు లాంఛనమైపోయింది. హాఫ్ సెంచరీ చేయకున్నా 22బంతుల్లోనే 49పరుగులు చేసి సన్ రైజర్స్ కు ఊపిరి సడలనివ్వకుండా చేశాడు.

1000వ సిక్సు బాదిన లివింగ్ స్టోన్

ఇక ఈ ఐపీఎల్లో లియమ్ లివింగ్ స్టోన్ 14మ్యాచ్‌లలో 437పరుగులు చేసి వారెవ్వా అనిపించాడు. అతని స్ట్రైక్ రేట్ 180కంటే ఎక్కువగా ఉండడం విశేషం. అలాగే ఈ సీజన్లో లాంగెస్ట్ సిక్స్ 117మీటర్లు కూడా అతనిపేరిటే ఉంది. అలాగే ఈ సీజన్లో రాజస్థాన్ రాయల్స్ ప్లేయర్ బట్లర్ (37సిక్సులు) తర్వాత అత్యధిక సిక్సులు బాదిన ప్లేయర్ల జాబితాలో లియమ్ లివింగ్ స్టోన్ (34) రెండో స్థానంలో ఉన్నాడు.

అతని తర్వాతి స్థానంలో ఆండ్రీ రస్సెల్ (32)మూడో స్థానంలో ఉన్నాడు. ఇక పోతే లివింగ్ స్టోన్ ఈ మ్యాచ్‌లో తన నాలుగో సిక్సు బాదడంతో ఈ ఐపీఎల్ సీజన్లో 1000వ సిక్సు నమోదైంది. తొలిసారి ఓ ఐపీఎల్ సీజన్లో 1000సిక్సులు నమోదు కావడం విశేషం.

నా మీద వచ్చిన విమర్శలకు గట్టి జవాబిచ్చా

పంజాబ్ కింగ్స్ ప్లేఆఫ్ చేరకపోయినప్పటికీ లివింగ్‌స్టోన్ తన బ్యాటింగ్ ద్వారా అందరినీ ఆకట్టుకున్నాడు. సన్ రైజర్స్ తో మ్యాచ్ అనంతరం అతను మాట్లాడుతూ.. గత ఐపీఎల్ 2021లో తన ప్రదర్శనను విమర్శించిన వ్యక్తులకు ప్రస్తుత సీజన్లో తన ఆటతీరుతో గట్టి జవాబు ఇచ్చానని పేర్కొన్నాడు. కొందరు వ్యక్తులు నా మీద చేసిన విమర్శలను తప్పని నిరూపించేలా ఆడినందుకు చాలా సంతోషంగా ఉందని లివింగ్‌స్టోన్ పేర్కొన్నాడు.

టోర్నీలో బాగా హిట్టింగ్ చేయగలిగా

లియమ్ లివింగ్ స్టోన్ టోర్నీలో ఆద్యంతం తన ప్రదర్శన పట్ల సంతోషంగా ఉందని తెలిపాడు. టోర్నీ మొత్తం బంతిని బాగా హిట్ చేయగలిగానని ఫీలింగ్ అనిపించింది. రెండున్నర నెలలుగా టోర్నీలో భాగం కావడం వల్ల చాలా తెలుసుకున్నానని చెప్పాడు. 'ముఖ్యంగా ఎడమ చేతివాటం బౌలర్లను బాగా ఎదుర్కోగలిగాను.

నేనెప్పుడూ ఒక ఎడమచేతి వాటం స్పిన్నర్ల బౌలింగ్లో ఎక్స్ ట్రా కవర్‌ దిశగా షాట్ కొట్టలేదు. కానీ దాన్ని ఈ ఐపీఎల్లో కొంచెం పూడ్చుకున్నట్లు అనిపించింది. ఇక నేను ఈ మ్యాచ్‌లో బ్యాటింగ్ దిగే టైంలో కేవలం మాకు బాల్ కు ఓ చొప్పున రన్ మాత్రమే అవసరముంది. ఇక పెద్దగా హిట్టింగ్ చేయాల్సిన పని లేదు. కానీ కాస్త లూజ్ బాల్స్ పడితే చూడొచ్చనుకున్నా.. అలాగే హిట్టింగ్ చేశా' అని తెలిపాడు.