Click it and Unblock the Notifications
గుడ్లక్ చెబితే
మ్యాచ్ ఆరంభానికి ముందు ఏ కెప్టెన్ అయినా వారి టీమ్కు గుడ్లక్ చెప్పి సూచనలు ఇవ్వడం మామూలే. అయితే చెన్నై సూపర్కింగ్స్ కెప్టెన్ ఎంఎస్ ధోనీ మాత్రం మ్యాచ్కు ముందు తమ జట్టు ఆటగాళ్లకు ఎలాంటి గుడ్లక్ చెప్పడట. అలా చెప్పడం ఎప్పటినుంచో మానేశాడట. ఈ విషయాన్ని టీమిండియా మాజీ స్పిన్నర్ ప్రగ్యాన్ ఓజా తెలిపాడు. అయితే మహీ అలా చేయడానికి ఒక కారణం ఉందని ఓజా పేర్కొన్నాడు. తన జట్టులోని ఆటగాళ్లకు గుడ్లక్ లేదా ఆల్ ది బెస్ట్ చెబితే.. మ్యాచ్ తర్వాత ఏదో ఒకటి తనకు వ్యతిరేకంగా జరుగుతుందని ధోనీ నమ్ముతాడట.
సెంటిమెంట్స్ ఉన్నాయి
ప్రగ్యాన్ ఓజా తాజాగా స్పోర్ట్స్ టుడేతో మాట్లాడుతూ... 'ఎంఎస్ ధోనీ మ్యాచ్కు ముందు తన జట్టులోని ఆటగాళ్లకు గుడ్లక్ లేదా ఆల్ ది బెస్ట్ చెప్పడు. ఒకవేళ చెబితే మ్యాచ్ తర్వాత ఏదో ఒకటి తనకు వ్యతిరేకంగా జరుగుతుందని మహీ నమ్ముతాడు. అందుకే అతను ఆల్ ది బెస్ట్ చెప్పడం కూడా మానేశాడు. అంతేగాక ప్రత్యర్థి జట్టు ఆటగాళ్లు కూడా మ్యాచ్కు ముందు ధోనీ దగ్గరకి వెళ్లడానికి ఆలోచిస్తారు. ఓ సందర్భంలో మహీనే ఈ విషయాన్ని చెప్పాడు. తనకు కొన్ని సెంటిమెంట్స్ ఉన్నాయని, వాటిని బలంగా నమ్ముతానని.. అందుకే మ్యాచ్కు ముందు నా జట్టుకు ఆల్ ది బెస్ట్ చెప్పనన్నాడు. ప్రత్యర్థి జట్టు ఆటగాళ్లకు కూడా నాకు ఎలాంటి విషెస్ చెప్పాలని తాను కోరుకోనని కూడా చెప్పాడు' అని తెలిపాడు.
ఐపీఎల్ టోర్నీలో 4650 రన్స్
ఎంఎస్ ధోనీ ఐపీఎల్ టోర్నీలో 207 మ్యాచులు ఆడి 4650 రన్స్ చేశాడు. ఇందులో 23 హాఫ్ సెంచరీలు ఉన్నాయి. ఇక మహీకి ఐపీఎల్ 2021 చివరి సీజన్ కావచ్చన్న వార్తలు వస్తున్నాయి. అయితే చెన్నై సూపర్ కింగ్స్ సీఈవో కాశీ విశ్వనాథన్ మాత్రం ధోనీకి ఇదే చివరి సీజన్ కాదని తాజాగా అన్నారు. 'మహీకి ఇదే చివరి ఏడాది అని నాకు అనిపించడం లేదు. ఇది నా వ్యక్తిగత అభిప్రాయం. మేము ఇప్పటికిప్పుడు మరో ప్లేయర్ వైపైతే చూడటం లేదు. ఇప్పటివరకు ధోనీ మాకు ఎలాంటి సమాచారం ఇవ్వలేదు' అని చెన్నై సీఈవో స్పష్టం చేశారు.
గతేడాదే అంతర్జాతీయ క్రికెట్కు గుడ్ బై
టీమిండియా మాజీ కెప్టెన్ ఎంఎస్ ధోనీ గతేడాది ఆగష్టులో అంతర్జాతీయ క్రికెట్కు గుడ్ బై చెప్పాడు. అంతర్జాతీయ కెరీర్లో ధోనీ 90 టెస్ట్ మ్యాచ్ల్లో 4876 పరుగులు సాధించాడు. ఇందులో 6 సెంచరీలు, 33 అర్ధ శతకాలు ఉన్నాయి. 350 వన్డే మ్యాచ్ల్లో 10773 రన్స్ చేశాడు. వీటిల్లో 10 శతకాలతో పాటు 73 అర్థ శతకాలు ఉన్నాయి. వ్యక్తిగత అత్యధిక స్కోర్ 183. ఇక 98 టీ20 మ్యాచ్లలో 1600 పరుగుల బాదాడు.
PBKS vs SRH: ముందు మ్యాచ్ గెలవండిరా అయ్యా.. ఈ పజిల్స్ తర్వాత ఆడుకుందాం! సన్రైజర్స్పై ఫాన్స్ ఫైర్!
Continue with Google