Click it and Unblock the Notifications
నిరూపించుకోవడానికి ఏమీ లేదు:
క్రిస్ గేల్ తాజాగా ఇన్‌సైడ్‌పోర్ట్‌కు ఇచ్చిన ఇంటర్వ్యూలో మాట్లాడుతూ తన రిటైర్మెంట్ విషయంపై స్పందించాడు. 'వ్యక్తిగతంగా చూసుకుంటే.. ఇక నేను నిరూపించుకోవడానికి ఏమీ మిగలలేదు. అన్ని సాధించాను. ప్రతి సంవత్సరం మెరుగవ్వాలని అందరూ కోరుకుంటారు. నేను దాన్ని అమలు చేయగలిగితే.. నాకు ప్లస్ అవుతుంది. ఇక ఐపీఎల్ టోర్నీలో పంజాబ్ జట్టును మొదటగా ప్లేఆఫ్‌లోకి తీసుకెళ్లాలి. ఆపై ఫైనల్‌కు చేరుకుని ట్రోఫీ సాదించాలి. ఇది కష్టమయినా లక్ష్యం చేరుకుంటాం' అని గేల్ తెలిపాడు.
లక్ష్యం 45:
'నేను ఐపీఎల్ ట్రోఫీ గెలవడానికి ఇష్టపడతాను. ఆ మధుర క్షణం కోసం ఎదురు చూస్తున్నాను. అవును వయస్సు కేవలం ఒక సంఖ్య మాత్రమే. నేను ఇంకా మంచి ఫిట్‌నెస్‌తో ఉన్నాను. నాలో ఇంకా చాలా క్రికెట్ మిగిలే ఉంది. ఇంకా కొన్ని సంవత్సరాలు క్రికెట్ ఆడతాను. 45 సంవత్సరాల వరకు ఆడడమే నా లక్ష్యం. నాకు ఇప్పుడు 41, ఈ సంవత్సరంతో 42 ఏళ్లు పూర్తవుతాయి. నా రిటైర్మెంట్‌కు ఇంకా చాలా సమయం ఉంది' అని యూనివర్స్ బాస్ క్రిస్ గేల్ అన్నాడు.
గతంలో మాట్లాడుతూ:
గతంలో ఓ స్పోర్ట్స్ ఛానెల్‌తో గేల్ మాట్లాడుతూ... 'ఇప్పటికి ప్రపంచవ్యాప్తంగా అనేక లీగ్ మ్యాచ్‌లు ఆడుతున్నా. ఎందుకంటే ఆటకు నేను చేయాల్సింది చాలా ఉందని నా నమ్మకం. అందుకు నా శరీరం కూడా సహకరిస్తుంది. ఇందుకు చాలా సంతోషంగా ఉన్నా. రోజులు గడిచేకొద్ది నేను యవ్వనంగా మారుతున్నా' అని అన్నాడు. 'నేను ఆడితే చూడాలని చాలా మంది అభిమానులు ఆశిస్తున్నారు. నాక్కూడా క్రికెట్‌పై ఇంకా ఇష్టం పోలేదు. 45 అనేది మంచి సంఖ్య. 45 ఏళ్ల వరకు కొనసాగితే బాగుంటుంది. నాకు ఆటపట్ల ప్రేమ, అభిరుచి, అంకితభావం ఉన్నాయి. వీలైనంత కాలం కొనసాగడానికి ప్రయత్నిస్తా' అని చెప్పుకొచ్చాడు.
30 బంతుల్లో సెంచరీ:
ఏప్రిల్ 23, 2013న వెస్టిండీస్ బ్యాట్స్మన్ క్రిస్ గేల్ ఐపీఎల్లో విశ్వరూపాన్ని చూపాడు. ధనాధన్ ఆటతో క్రికెట్ చరిత్రలో వేగవంతమైన శతకాన్ని నమోదు చేసాడు. రాయల్స్‌ చాలెంజర్స్‌ బెంగళూరు తరఫున ఆడుతూ గేల్ విధ్వంసకర ఇన్నింగ్స్‌ ఆడాడు. కేవలం 30 బంతుల్లో సెంచరీ బాదేశాడు.సెంచరీ సాధించే క్రమంలో ఏడు డాట్‌ బాల్స్‌ మాత్రమే ఉండగా.. 11 సిక్స్‌లు, 8 ఫోర్లు ఉన్నాయి. ఏకంగా 17 సిక్సర్ల సాయంతో 175 పరుగులు చేసి ఐపీఎల్లో అత్యధిక స్కోరు రికార్డును నమోదు చేశాడు.
RCB vs KKR: అతడు వంగడానికి కూడా ఇబ్బంది పడుతున్నాడు.. ఇది కేకేఆర్‌కు పెద్ద తలనొప్పే: వాన్‌
