IPL 2019: '3 వికెట్లు తీయడానికి కారణం అదే'

వరుణ్ ఆరోన్‌దే కీలకపాత్ర

ఈ మ్యాచ్‌లో కోల్‌కతా నైట్‌రైడర్స్‌ను 175 పరుగులకే కట్టడి చేయడంలో వరుణ్ ఆరోన్‌దే కీలకపాత్ర. ఓపెనర్లు క్రిస్‌లిన్‌‌ను డకౌట్‌గా పెవిలియన్‌కు చేర్చగా... ఆ తర్వాత శుభ్‌మన్‌ గిల్‌ (14) అద్భుతమైన ఇన్‌స్వింగర్లతో పెవిలియన్‌ చేర్చాడు. అనంతరం కేకేఆర్ నిర్దేశించిన 176 పరుగుల లక్ష్యాన్ని రాజస్థాన్ 19.2 ఓవర్లలో 7 వికెట్లు కోల్పోయి చేధించింది.

3 వికెట్ల తేడాతో విజయం సాధించిన రాజస్థాన్

దీంతో ఈ మ్యాచ్‌లో రాజస్థాన్ రాయల్స్ 3 వికెట్ల తేడాతో విజయం సాధించి తన ప్లేఆఫ్ ఆశలను సజీవంగా ఉంచుకుంది. మ్యాచ్ అనంతరం వరుణ్ ఆరోన్ మాట్లాడుతూ "నేనింతకు ముందూ ఇన్‌స్వింగ్‌ చేసేవాడిని. కౌంటీల్లో ఆడిన తర్వాత మరింత బాగా చేస్తున్నా. గతంలో ఎక్కువగా ఔట్‌ స్వింగర్లపై ఆధారపడే వాడిని" అని చెప్పుకొచ్చాడు.

కౌంటీల్లో ఆడటం వల్లే

"గతేడాది ఐపీఎల్‌ ఆడకపోవడంతో కౌంటీల్లో ఆడా. అక్కడి స్వింగ్‌కు అనుకూలం. బంతిని స్వింగ్‌ చేసేందుకు బౌలర్లకు సాయపడతాయి. అందుకే ఇన్‌స్వింగ్‌ ఎక్కువ ప్రాక్టీస్ చేశా. ఈ ఐపీఎల్‌ తర్వాత నాకు కొంత సమయం దొరికింది. మళ్లీ కౌంటీల్లో ఆడతా. ఈ సీజన్‌ మధ్యలో వెళ్తా కాబట్టి ఏ జట్టుకు ఆడతానో తెలీదు" అని ఆరోన్ తెలిపాడు.