ఐపీఎల్ 2019: రిషబ్ పంత్ భారత క్రికెట్‌ భవిష్యత్‌ ఆశాకిరణం: యువీ

పంత్ వరల్డ్ కప్ ఎంపికపై

వరల్డ్‌కప్ ఎంపిక గురించి తాను చెప్పలేనని, కానీ పంత్‌ ప్రస్తుత ప్రదర్శన మాత్రం అద్భుతంగా ఉందని యువీ అభిప్రాయపడ్డాడు. 21 ఏళ్ళ వయసులోనే విదేశాల్లో రెండు సెంచరీలు నమోదు చేయటం అతని సూపర్ టాలెంట్‌కి నిదర్శనమని యువరాజ్ సింగ్ ప్రశంసల వర్షం కురిపించాడు.

ముంబై ఓటమిపై యువీ మాట్లాడుతూ

ఈ సీజన్‌ తొలి మ్యాచ్‌లో ముంబై ఓటమిపై యువీ మాట్లాడుతూ "రోహిత్‌ శర్మ త్వరగా ఔటవడం తమ అవకాశాల్ని దెబ్బతీసింది. డికాక్‌, పొలార్డ్‌లు తమకు లభించిన ఆరంభాల్ని పెద్ద స్కోర్లుగా మలచలేకపోయారు. సరైన భాగస్వామ్యాల్ని నెలకొల్పలేకపోవడంతో 215 పరుగల భారీ స్కోరును చేధించడం తమకు కష్టమైపోయింది" అని అన్నాడు.

హాఫ్ సెంచరీతో రాణించిన యువీ

214 పరుగుల భారీ లక్ష్యంతో బరిలోకి దిగిన ముంబైకి ఆదిలోనే గట్టి ఎదురుదెబ్బలు తగిలాయి. ఓపెనర్‌గా ఆడిన కెప్టెన్ రోహిత్ శర్మ (14) నాలుగో ఓవర్‌లోనే పెవిలియన్ చేరిపోగా.. అనంతరం వచ్చిన సూర్యకుమార్ యాదవ్ (2) నిరాశపరిచాడు. ఈ దశలో కాసేపు దూకుడుగా ఆడిన మరో ఓపెనర్ డికాక్ (27) కూడా ఔటడంతో ముంబై 45/3తో కష్టాల్లో పడింది.

37 పరుగుల తేడాతో ఓడిన ముంబై

ఈ క్రమంలో వెటరన్‌ ఆటగాళ్లు యువరాజ్‌, పొలార్డులు జట్టును ఆదుకునే ప్రయత్నం చేశారు. ఈ మ్యాచ్‌లో యువరాజ్‌(53)మినహా ఎవరూ పెద్దగా రాణించలేదు. కీలక సమయంలో ఇద్దరితో పాటు హార్దిక్ పాండ్య (0) కూడా ఔటవడంతో మ్యాచ్‌పై ముంబయి పట్టుజారింది. దీంతో 19.2 ఓవర్లలో 9 వికెట్ల నష్టానికి 176 పరుగుల చేసి 37 పరుగుల తేడాతో ఓడిపోయింది.