‘డాడీస్ ఆర్మీ’మళ్లీ టైటిల్‌ సాధిస్తుందా?: నెటజన్ల జోకులపై డ్వేన్ బ్రావో

‘డాడీస్ ఆర్మీ'మళ్లీ టైటిల్‌ సాధిస్తుందా?

ఈ నేపథ్యంలో సోషల్‌ మీడియాలో ‘డాడీస్ ఆర్మీ'మళ్లీ టైటిల్‌ సాదిస్తుందా? పలువురు నెటిజన్లు జోకులు పేల్చుతున్నారు. దీంతో డాడీస్ ఆర్మీ అనే పదం తెగ ట్రెండ్ అవుతోంది. దీంతో చెన్నై సూపర్ కింగ్స్ ఆల్ రౌండర్ డ్వేన్ బ్రావో స్పందించాడు. బ్రావో మాట్లాడుతూ "మా జట్టును మళ్లీ అలానే అంటున్నారని తెలుసు, కానీ అనుభవం మించిన ఆయుధం లేదు" అని అన్నాడు.

గతేడాది కూడా ఇలానే అన్నారు

"గతేడాది కూడా ఇలానే అన్నారు. ఏమైంది? టైటిల్‌ గెలిచాం. ప్రతీ సీజన్‌లోనూ కొత్తగా ఆడటానికి ప్రయత్నిస్తాం. ఈ సీజన్‌లో కూడా గత ఐపీఎల్‌కు మించి ప్రదర్శన చేస్తాం" అని చెప్పుకొచ్చాడు. మరోవైపు చెన్నై సూపర్ కింగ్స్ జట్టు కెప్టెన్ వయసు అనేది ఒక అంకె మాత్రమేనని, అనుభవం ఎంతో ముఖ్యమని పేర్కొన్నాడు.

అత్యధిక వికెట్లు తీసిన క్రికెటర్‌గా బ్రావో

ఈ సీజన్‌లో చెన్నై సూపర్ కింగ్స్ ఆటగాడు డ్వేన్ బ్రావో మరో 21 వికెట్లు తీస్తే టీ20 క్రికెట్‌లో 500 వికెట్లు తీసిన తొలి ఆటగాడిగా చరిత్ర సృష్టిస్తాడు. ఇప్పటివరకు 438 టీ20 మ్యాచ్‌లాడిన డ్వేన్ బ్రావో 479 వికెట్లు తీశాడు.

యో-యో టెస్టుకు దూరంగా సీఎస్‌కే

ధోని, రాయుడు, రైనా, బ్రేవో, డుప్లెసిస్‌, వాట్సన్‌, తాహీర్‌, జాదవ్‌లతో సహా జట్టులోని ముఖ్యమైన ఆటగాళ్లు అందరూ మూడు పదుల వయసు పై గలవారే కావడం విశేషం. మిగతా ఫ్రాంచైజీలతో పోలీస్తే సీఎస్‌కే విధానాలు భిన్నంగా ఉంటాయి. అన్ని ఫ్రాంచేజీలు ఆటగాళ్లకు యో-యో టెస్టు తప్పనిసరి చేస్తే.... సీఎస్‌కే మాత్రం యో-యో టెస్టుకు దూరంగా ఉంది.