|
వార్నర్పై ట్విట్టర్లో ప్రశంస
ఈ నేపథ్యంలో డేవిడ్ వార్నర్ భార్య క్యాండీస్ అతడిపై ట్విట్టర్లో ప్రశంసల వర్షం కురిపించింది. "ఈ మనిషి గురించి చెప్పడానికి నేనెంత గర్వంగా ఉన్నానో చెప్పేందుకు మాటలు రావడం లేదు. నమ్మకాన్ని నువ్వు ఎప్పుడూ కోల్పోలేదు. సెంచరీ సాధించినందుకు అభినందనలు. సన్రైజర్స్ అబిమానులు డేవిడ్తో పాటు మా కుటుంబానికి ఇచ్చిన మద్దతు మరువలేనిది. థ్యాంక్యూ. తర్వలోనే హైదరాబాద్లో కలుస్తా" అంటూ ట్వీట్ చేశారు.
ఈ సీజన్లో సెంచరీ నమోదు చేసిన వార్నర్
ఆదివారం సాయంత్రం ఉప్పల్ స్టేడియంలో రాయల్ ఛాలెంజర్స్ బెంగుళూరు జట్టుతో జరిగిన మ్యాచ్లో ఓపెనర్ డేవిడ్ వార్నర్( 55 బంతుల్లో 100 నాటౌట్) సెంచరీ సాధించిన సంగతి తెలిసిందే. మరో ఓపెనర్ జానీ బెయిర్స్టో(56 బంతుల్లో 114) కూడా సెంచరీతో రాణించడంతో సన్ రైజర్స్ హైదరాబాద్ 231 పరుగుల భారీ స్కోరు చేసింది.
తొలి వికెట్కు 185 పరుగుల రికార్డు భాగస్వామ్యం
వీరిద్దరూ కలిసి తొలి వికెట్కు 185 పరుగుల రికార్డు భాగస్వామ్యాన్ని నెలకొల్పారు. అనంతరం భారీ లక్ష్యంతో బరిలోకి దిగిన రాయల్ ఛాలెంజర్స్ బెంగళూరు జట్టు 118 పరుగుల తేడాతో ఓటమిపాలైన సంగతి తెలిసిందే. కాగా, క్యాండీస్ను డేవిడ్ వార్నర్ ఏప్రిల్ 2015న వివాహం చేసుకున్నాడు. వార్నర్-క్యాండీస్ దంపతులకు ఇప్పటికే ఐవీ మే, ఇండీ రే అనే ఇద్దరు పిల్లలున్నారు.
బాల్ ట్యాంపరింగ్ ఉదంతం నుంచి బయటకు
దక్షిణాఫ్రికాతో జరిగిన టెస్టులో వార్నర్ బాల్ ట్యాంపరింగ్కు పాల్పడి ఆస్ట్రేలియా జట్టులో చోటు కోల్పోయినప్పుడు క్యాండీస్ గర్భవతిగా ఉన్నారు. ఆ తర్వాత చోటు చేసుకున్న పరిణామాల వల్ల ఏర్పడిన ఒత్తిడితో ఆమెకు గర్భస్రావం అయింది. ఒత్తిడి కారణంగా తనకు గర్భస్రావం అయినట్టు క్యాండీస్ స్వయంగా ట్విట్టర్లో పేర్కొంది.