18వ ఓవర్లో 3 వికెట్లు తీసిన పాండ్యా
మంగళవారం రాత్రి రాయల్ ఛాలెంజర్స్ బెంగళూరుతో జరిగిన మ్యాచ్లో పాండ్యా 18వ ఓవర్ వేశాడు. ఈ ఓవర్లో తొలి రెండు బంతులకు మన్దీప్ సింగ్(14), విరాట్ కోహ్లీ(32)ని పెవిలియన్కు చేర్చిన పాండ్యా... అదే ఓవర్ చివరి బంతికి వాషింగ్టన్ సుందర్(1)ను ఔట్ చేసిన సంగతి తెలిసిందే. దీంతో బెంగళూరు నిర్ణీత 20 ఓవర్లలో 7 వికెట్లు కోల్పోయి 167 పరుగులు చేసింది.
42 బంతుల్లో పాండ్యా హాఫ్ సెంచరీ
అనంతరం 168 పరుగుల విజయ లక్ష్యంతో బరిలోకి దిగిన ముంబై ఆటగాళ్లలో హార్దిక్ పాండ్యా ఒక్కడే 42 బంతుల్లో 5 ఫోర్లు, ఒక సిక్సు సాయంతో హాఫ్ సెంచరీతో ఫరవాలేదనిపించాడు. దీంతో ఒక మ్యాచ్లో మూడు వికెట్లు తీయడంతో పాటు హాఫ్ సెంచరీ సాధించిన ఆటగాళ్ల జాబితాలో యువరాజ్ తర్వాత రెండో స్ధానాన్ని పాండ్యా దక్కించుకున్నాడు.
యువరాజ్ మూడు సార్లు, పాండ్యా ఒకసారి
ఐపీఎల్లో ఒకే మ్యాచ్లో మూడు వికెట్లు, హాఫ్ సెంచరీకి పైగా పరుగులు ఇలా... యువరాజ్ సింగ్ మూడు సార్లు నమోదు చేశాడు. ఇక్కడ విశేషం ఏంటంటే యువరాజ్, హార్ధిక్ పాండ్యా అద్భుత ప్రదర్శన చేసిన ఈ రెండు మ్యాచ్ల్లో వారు ప్రాతినిధ్యం వహించిన జట్టు ఓడిపోయింది. మంగళవారం నాటి మ్యాచ్లో ముంబై 14 పరుగుల తేడాతో ఓటమి పాలైంది.
* Yuvraj Singh: 50 & 3/22 against RCB in 2009
* Yuvraj Singh: 66*& 4/29 against DD in 2011
* Yuvraj Singh: 83 & 4/35 against RR in 2014
* Hardik Pandya: 50 & 3/28 against RCB in 2018
ప్లేఆఫ్స్ అవకాశాలను సంక్లిష్టం చేసుకున్న ముంబై
ఈ సీజన్లో డిఫెండింగ్ ఛాంపియన్గా బరిలోకి దిగిన ముంబై ఈ సారి ప్లేఆఫ్స్కు చేరుకోవడం కూడా కష్టంగా మారింది. టోర్నీలో ఇంకా ముంబై ఇండియన్స్ కేవలం 6 మ్యాచ్లు మాత్రమే ఆడాల్సి ఉంది. ఈ ఆరు మ్యాచ్ల్లో విజయం సాధించినప్పటికీ ప్లేఆఫ్స్కు చేరుకునే అవకాశం ముంబై ఇండియన్స్కు లేదు.