డివిలియర్స్‌లో మరో కోణం: ప్రేమలేఖలెన్నో రాశాడు (ఫోటోలు)

స్కూల్‌ డేస్‌లో రొమాంటిక్‌

‘స్కూల్‌ డేస్‌లో నేను చాలా రొమాంటిక్‌. స్కూల్లో చదివే రోజుల్లో అందమైన అమ్మాయిని చూడగానే నాలో ప్రేమావేశం పుట్టుకొచ్చేది. వెంటనే ప్రేమలేఖ రాసేవాణ్ని. అంతవరకూ బాగానే ఉంది. కానీ ఆ లేఖను ఆమెకు ఇవ్వాలంటే ఏదో భయంగా ఉండేది. దీంతో ఆ లేఖను తీసుకుని ఇంటికెళ్లి, అటకపై దాచేవాణ్ని' అని మధుర జ్ఞాపకాలను డివిలియర్స్ నెమరవేసుకున్నాడు.

30 లవ్‌లెటర్లు అటకపై పెట్టెలో ఇప్పటికీ భద్రంగా

'అలా నా చదువు ముగేసి సరికే 30 లవ్‌లెటర్లు అటకపై పెట్టెలో ఇప్పటికీ భద్రంగా ఉన్నాయి' అని నవ్వుతూ వెల్లడించాడు. అయితే ఆ ప్రేమ లేఖల అనుభవాన్ని ఇప్పుడు డివిలియర్స్ వృథాగా ఏమీ పోనివ్వల్లేదు. తన గత అనుభవాలతో భార్యకు ప్రేమతో లేఖలు రాస్తుంటానని చెప్పాడు.

నా భార్య డానియెలెకు ప్రేమలేఖలు రాస్తున్నా

'ఇప్పుడు ఆ అనుభవాన్నంతా ఉపయోగించి నా భార్య డానియెలెకు ప్రేమలేఖలు రాస్తున్నా. ఈ మధ్యే ఆమె దక్షిణాఫ్రికాకు వెళ్లేటప్పుడు తన పాస్‌పోర్ట్‌లో ఓ లేఖ పెట్టా. విమానాశ్రయంలో ఆమె చదువుతుందని నాకు తెలుసు. చదివి ఆమె ఎంతో సంతోష పడింది. రెండో రోజుల తర్వాత ఓ సందేశం పంపింది. నా ఆ ప్రేమలేఖ తనకెంతో విలువైందని చెప్పింది' అని డివిలియర్స్‌ వివరించాడు.

ఐపీఎల్‌లో బెంగళూరు తరుపున

ఇండియన్ ప్రీమియర్ లీగ్ (ఐపీఎల్)లో ఏబీ డివిలియర్స్ రాయల్ ఛాలెంజర్స్ బెంగళూరు తరుపున ప్రాతినిథ్యం వహిస్తున్నాడు. ఐపీఎల్ పదో సీజన్‌లో ఇప్పటివరకు పదకొండు మ్యాచ్‌లాడిన బెంగళూరు ఎనిమిది మ్యాచ్‌ల్లో పరాజయం పాలై, కేవలం రెండు మ్యాచ్‌ల్లోనే గెలిచింది.