'ఏం మాట్లాడాలో అర్ధం కావట్లేదు.. థాంక్యూ సచిన్ సర్'

4 ఓవర్లలో 14 పరుగులు:

చెన్నై ఓపెనర్ వాట్సన్ వరుస బౌండరీలతో దూకుడుమీదున్నాడు. మలింగ కూడా అప్పటికే భారీగా పరుగులు సమర్పించుకున్నాడు. ఈ దశలో 17వ ఓవర్లో 4 పరుగులు.. 19వ ఓవర్లలో 5 పరుగులు ఇచ్చి ముంబై బ్యాట్స్‌మన్‌ను కట్టడి చేసాడు. ఈ స్పెల్ తో ముంబై రేసులోకి వచ్చి విజయాన్ని అందుకుంది. బుమ్రా తన కోటా 4 ఓవర్లలో 14 పరుగులు ఇచ్చి 2 వికెట్లు తీసాడు.

ప్రపంచంలోనే అత్యుత్తమ బౌలర్‌:

మ్యాచ్ అనంతరం యువరాజ్ నిర్వహించిన ఇంటర్వ్యూలో ముంబై మెంటార్ సచిన్ మాట్లాడుతూ... 'టీమిండియా పేసర్‌ జస్‌ప్రీత్‌ బుమ్రా ఓ అద్భుతం. ప్రస్తుతం అతను ప్రపంచంలోనే అత్యుత్తమ బౌలర్‌' అని కొనియాడాడు. ఐపీఎల్‌లో యువ స్పిన్నర్‌ రాహుల్‌ చాహర్‌ ప్రతిభ అద్భుతం అంటూ ప్రశంసించాడు.

ఏం మాట్లాడాలో అర్ధం కావట్లేదు:

అనంతరం సచిన్ ప్రశంసలపై జస్‌ప్రీత్‌ బుమ్రా స్పందించాడు. 'ఏం మాట్లాడాలో అర్ధం కావట్లేదు.. థాంక్యూ సచిన్ సర్' అని సచిన్ ట్వీట్‌కు రిప్లై ఇచ్చాడు. ఐపీఎల్-12లో జస్‌ప్రీత్‌ 16 మ్యాచ్‌లలో 19 వికెట్లు తీసి ముంబై విజయాలలో కీలక పాత్ర పోషించాడు. అయితే బుమ్రా ఎకానమీ 6.63గా ఉండడం విశేషం.