Click it and Unblock the Notifications
నవదీప్ షైనీలో ఉన్న ప్రతిభ
ఈ సమయంలో ఢిల్లీ తరుపున ఆడుతోన్న నవదీప్ షైనీలో ఉన్న ప్రతిభను క్లూసెనర్ గుర్తించాడు. ఇటీవలే వెస్టిండిస్‌తో ముగిసిన టీ20 సిరిస్‌లో అంతర్జాతీయ క్రికెట్‌లోకి అరంగేట్రం చేసిన నవదీప్ షైనీ బౌలింగ్‌ తనను ఏమీ ఆశ్చర్యానికి గురి చేయడం లేదని క్లూసెనర్ చెప్పుకొచ్చాడు.
క్లూసెనర్ మాట్లాడుతూ
ఈ సందర్భంగా క్లూసెనర్ మాట్లాడుతూ "నవదీప్ షైనీని గుర్తించినందుకు చాలా సంతోషంగా ఉంది. 150 kmph వేగంతో బౌలింగ్‌ చేసే భారత బౌలర్‌ని గతంలో ఎన్నడూ చూసిండరు. షైనీది ఒక అద్భుతమైన బౌలింగ్‌ యాక్షన్‌. అతని యాక్షన్‌ చాలా క్లియర్‌గా ఉంటుంది. ఫిట్‌గా కూడా ఉంటాడు" అని చెప్పుకొచ్చాడు.
150 kmph వేగంతో
"నేను అతనితో ఎప్పుడు మాట్లాడినా 150 kmph వేగంతో బౌలింగ్‌ వేసందుకే మొగ్గుచూపేవాడు" అని క్లూసెనర్ అన్నాడు. ఇటీవలే ముగిసిన వెస్టిండిస్ పర్యటనలో అంతర్జాతీయ క్రికెట్‌లోకి అరంగేట్రం చేసిన నవదీప్ షైనీ తన ప్రదర్శనతో ఆకట్టుకున్నాడు. దీంతో ప్రస్తుతం దక్షిణాఫ్రికాతో జరుగుతున్న మూడు టీ20ల సిరిస్‌కు ఎంపికయ్యాడు.
అక్టోబర్ 2 నుంచి దక్షిణాఫ్రికాతో టెస్టు సిరిస్
అయితే, అక్టోబర్ 2 నుంచి దక్షిణాఫ్రికాతో జరిగే మూడు టెస్టు మ్యాచ్‌ల సిరిస్‌కు మాత్రం అతడు ఎంపికవ్వలేదు. రాబోయే రోజుల్లో టీమిండియా తరుపున టెస్టుల్లో సైతం రాణించాలనేది అతడి కోరిక. దీనిపై షైనీ మాట్లాడుతూ "టెస్టు ఫార్మాట్‌లో మా బౌలింగ్‌ యూనిట్‌ చాలా బలంగా ఉంది. విండిస్‌తో సిరీస్‌ జరిగినప్పుడు ఈ విషయాన్ని నేను గమనించా. నాకు టెస్టు జట్టులో చోటు దక్కాలంటే మరింత శ్రమించాల్సి ఉంది" అని షైనీ తెలిపాడు.
