24 సెంచరీలు చేసిన వివియన్ రిచర్డ్స్
వివియన్ రిచర్డ్స్ తన కెరీర్లో 24 సెంచరీలు చేశాడు. తన కెరీర్లో ఇప్పటివరకు 70 టెస్టులాడిన కోహ్లీ ఇప్పటి వరకు 54.44 సగటుతో 6098 పరుగులు చేశాడు. ఇందులో 23 సెంచరీలు ఉన్నాయి. ఓవల్ వేదికగా జరగనున్న చివరి టెస్టులో కోహ్లీ మరో సెంచరీ సాధిస్తే రిచర్డ్స్ సరసన నిలుస్తాడు.
25వ స్థానంలో కోహ్లీ
రిచర్డ్స్ 121 టెస్టుల్లో 50.23 యావరేజితో 8,540 పరుగులు చేశాడు. టెస్టుల్లో 23 సెంచరీలతో విరాట్ కోహ్లీ అత్యధిక సెంచరీలు నమోదు చేసిన వారి జాబితాలో 25వ స్థానంలో కోహ్లీ కొనసాగుతున్నాడు. ఈ జాబితాలో క్రికెట్ లెజెండ్ సచిన్ టెండూల్కర్ 51 సెంచరీలతో అగ్రస్థానంలో ఉన్నాడు.
ఆరో భారత ఆటగాడిగా కోహ్లీ రికార్డు
ఇక, ఇంగ్లాండ్పై 1500కుపైగా పరుగులు చేసిన ఆటగాళ్ల జాబితాలో కోహ్లీ ఆరో భారత ఆటగాడిగా నిలిచాడు. సచిన్ 2535 పరుగులతో అగ్రస్థానంలో ఉన్నాడు. ఇందులో 7 సెంచరీలు, 13 హాఫ్ సెంచరీలు ఉన్నాయి. సచిన్ తర్వాత సునీల్ గవాస్కర్ (2483), రాహుల్ ద్రవిడ్ (1950), గుండప్ప విశ్వనాథ్(1880), దిలిప్ వెంగ్ సర్కార్(1589)లు ఉన్నారు.
విదేశీ గడ్డపై అత్యధిక పరుగులు
ఇంగ్లాండ్ గడ్డపై అత్యధిక పరుగులు చేసిన కెప్టెన్గా విరాట్ కోహ్లీ ఇటీవలే రికార్డు నెలకొల్పిన సంగతి తెలిసిందే. ఇక వన్డేల్లో అత్యధిక సెంచరీలు సాధించిన జాబితాలో కోహ్లీ 35 సెంచరీలతో రెండో స్థానంలో ఉన్నాడు. ఈ జాబితాలో క్రికెట్ లెజెండ్ సచిన్ టెండూల్కర్ 49 సెంచరీలతో అగ్రస్థానంలో కొనసాగుతున్నాడు.