Click it and Unblock the Notifications
శంకర్‌పై భరత్ అరుణ్ ప్రశంసలు
ఇక, యువ ఆల్‌‌రౌండర్‌ విజయ్‌ శంకర్‌పై భరత్ అరుణ్ ప్రశంసలు కురిపించాడు. వరల్డ్ కప్‌లో ఆడే జట్టులో స్థానంకోసం ఇతర ఆటగాళ్లతో విజయ్‌ శంకర్ గట్టిగా పోటీ పడుతున్నాడన్నాడు. అతడు బ్యాట్‌తో, బంతితో చక్కగా రాణిస్తున్నాడని అన్నాడు.
ఆత్మవిశ్వాసంతో ఉన్నాడు
"విజయ్‌ శంకర్ తన ఆటతో ఆత్మవిశ్వాసంతో ఉన్నాడు. అతడు విభిన్న బ్యాటింగ్ ఆర్డర్లలో బ్యాటింగ్‌కు దిగి తన సామర్థ్యాన్ని చాటాడు. నెంబర్‌ నాలుగు, ఆరు, ఏడు స్థానాల్లో కూడా బ్యాటింగ్ చేశాడు. బ్యాటింగ్‌తో ఆత్మ విశ్వాసం మూటగట్టుకున్న విజయ్‌ బౌలింగ్‌లో కూడా రాణించాడు. అతడు గంటకు 120 నుంచి 125 కిలోమీటర్ల వేగంతో బంతులను వేసేవాడు. ప్రస్తుతం ఆ వేగం 130కి చేరింది. అతడు జట్టుకు ఉపయోగపడే బౌలర్లలో ఒకడు" అన్నాడు.
సైన్యానికి సంఘీభావం తెలపడానికే ఆర్మీ టోపీలు
భారత జట్టు ఆటగాళ్లు రాంచీలో జరిగిన మూడో వన్డే ఆడుతున్న సమయం లో.. ఆర్మీ క్యాంపులు ధరించి మైదానంలోకి దిగడాన్ని బౌలింగ్‌ కోచ్‌ భరత్ అరుణ్ సమర్థించాడు. సైన్యానికి సంఘీభావం ప్రక టించేందుకే వారు ఈ పని చేశారని అన్నాడు.
ఐసీసీ ఆమోదం తీసుకున్న తర్వాతే
"మేము మా భావాలకనుగుణంగా ప్రవర్తించాము.పుల్వామా ఉగ్రవాద దాడి తర్వాత భారత సైన్యానికి దేశవ్యాప్తంగా మద్దతు లభించింది. మా వంతుగా వారికి సంఘీభావం తెలపడానికి రాంచీ వన్డేలో ఆర్మీ టోపీలు ధరించాం. ఐసీసీ ఆమోదం తీసుకున్న తర్వాతే మేమీ పని చేశాం" అని అరుణ్ చెప్పాడు. ఐదో వన్డే జరిగే ఢిల్లీ మైదానంలోని వెల్లింగ్డన్‌ పెవిలియన్‌ను త్రివర్ణంతో అలంకరించనున్నారు.
