చాలా నిర్లక్ష్యంగా ఆడాడు..
'వార్నర్ ఔటైన విధానం నాకు నచ్చలేదు. అత్యంత నిర్లక్ష్యంగా పేలవ షాట్ ఆడి వికెట్ సమర్పించుకున్నాడు. మ్యాచ్ ఆరంభమైన 20 నిమిషాలకే ఆ షాట్ ఎందుకు ఆడాడో అర్థం కాలేదు. టెస్టు మ్యాచ్లో ఆరంభం నుంచి దూకుడు అవసరం లేదనే విషయం వార్నర్కు బాగా తెలుసు... అయినా అనవరసంగా తొందరపడ్డాడు. కాస్త ఓపికగా వ్యవహరించి ఉంటే బాగుండేది. ఆఫ్స్టంప్కు దూరంగా వెళ్తున్న బంతిని వదిలేయకుండా ఒక లూజ్ షాట్ ఆడి వికెట్ సమర్పించుకోవడం సరైంది కాదు'అని మార్క్వా అసహనం వ్యక్తం చేశాడు.
ఫిట్గా లేకున్నా ఆడించారా?
మరో మాజీ ఆటగాడు మైకెల్ హస్సీ కూడా వార్నర్ షాట్పై పెదవి విరిచాడు. 'వార్నర్ బాడీ లాంగ్వేజ్లో చాలా తేడా కనిపించింది. అతను వంద శాతం ఫిట్గా లేకున్నా మ్యాచ్ బరిలోకి దిగాడనిపిస్తుంది. షాట్ ఎంపికలో వార్నర్ పొరపాటు స్పష్టంగా తెలుస్తుంది. వికెట్ల మధ్య అతని పరుగుకు కూడా అతని శైలికి భిన్నంగా ఉంది. అతను పూర్తిగా కోలుకోకుంటే జట్టుకే ప్రమాదం'అని తెలిపాడు. ఇక టీమిండియాతో జరిగిన రెండో వన్డే అనంతరం గాయపడిన వార్నర్ చివరి వన్డేతో పాటు మూడు టీ20ల సిరీస్కు దూరమయ్యాడు. మొదట టెస్టు సిరీస్కు అందుబాటులో ఉంటాడని భావించినా గాయం తీవ్రత తగ్గకపోవడంతో తొలి రెండు టెస్టులకు అందుబాటులోకి రాలేకపోయాడు.
ఫిట్నెస్పై డౌట్
కానీ బ్యాటింగ్ బలహీనతో సతమతమవుతున్న ఆసీస్ ఆ సమస్యను అధిగమించేందుకు వార్నర్ను మూడో టెస్టుకు ఎంపిక చేసింది. అయితే వార్నర్ 100శాతం ఫిట్గా లేకున్నా క్రికెట్ ఆస్రేలియా అతన్ని తుది జట్టులోకి తీసుకున్నారనే విమర్శలు వినిపించాయి. తాజాగా వార్నర్ మూడో టెస్టులో త్వరగా ఔట్ కావడంతో మరోసారి అతని ఫిట్నెస్పై సందేహాలు తలెత్తాయి. ఇక తొలి రోజు ఆట ముగిసే సమయానికి ఆస్ట్రేలియా 55 ఓవర్లలో రెండు వికెట్లు కోల్పోయి 166 పరుగులు చేసింది. క్రీజులో లబుషేన్ (67) , స్టీవ్ స్మిత్ (31) ఉన్నారు. వర్షం అంతరాయం కలిగించడంతో ఫస్ట్ సెషన్ 7.1 ఓవర్ల ఆటనే సాధ్యమైంది.