దాదాపు ఓపెనర్ స్థానం ఖాయమైనట్లుగానే
ఈ సెంచరీకి మించిన ఇన్నింగ్స్తో టెస్ట్ సిరీస్లో విజయ్ దాదాపు ఓపెనర్ బెర్త్ను ఖాయం చేసుకున్నాడు. పృథ్వీ స్థానంలో వచ్చిన విజయ్కి రాహుల్ తోడవడంతో చక్కటి భాగస్వామ్యం నెలకొంది. మ్యాచ్ అనంతరం తన ప్రదర్శనపై విజయ్ ఇలా మాట్లాడాడు. ‘మేం ఒకే ప్రాంతం నుంచి వచ్చిన వాళ్లం. అందువల్ల ఒకరిపై ఒకరికి మంచి అవగాహన ఉంది. అతను మంచి వ్యక్తి. తనతో కలిసి బ్యాటింగ్ చేస్తున్నంత సేపు ఎప్పుడూ సరదాగా ఉంటుంది. మొదటి టెస్టులోనూ ఇదే ఫాం కొనసాగిస్తామనే నమ్మకం ఉంది' అని అన్నాడు.
రాహుల్, విజయ్ టెస్టుల్లో కలిసి 25 సార్లు
గతంలో రాహుల్, విజయ్ టెస్టుల్లో 25 సార్లు కలిసి బ్యాటింగ్ చేశారు. మొదటి టెస్టు జరగనున్న అడిలైడ్లో నాలుగేళ్ల క్రితం విజయ్ రెండు ఇన్నింగ్స్లలో 53, 99 పరుగులతో రాణించాడు. దాంతో పాటుగా ఆస్ట్రేలియాలో బ్యాటింగ్ చేయడం అంటే ఇష్టమని విజయ్ తెలిపాడు. తను బ్యాక్ ఫుట్పై ఎక్కువగా ఆడతానని, ఇక్కడి పరిస్థితులు తనకు సరిగ్గా సరిపోతాయని పేర్కొన్నాడు. 2014 పర్యటనలోనూ విజయ్ 400కిపైగా పరుగులతో రాణించిన విషయం తెలిసిందే.
27 బంతుల్లోనే రెండో హాఫ్ సెంచరీ
వార్మప్ మ్యాచ్లో 91 బంతుల్లో హాఫ్ సెంచరీ చేసిన విజయ్.. తర్వాత రెచ్చిపోయి ఆడాడు. 27 బంతుల్లోనే రెండో హాఫ్ సెంచరీ సాధించాడు. జేక్ కార్డర్ వేసిన ఒక ఓవర్లో అతను ఏకంగా 26 పరుగులు సాధించాడు. 38వ ఓవర్ ముగిసేసరికి 74 పరుగులతో ఉన్న విజయ్.. కార్డర్ వేసిన తర్వాతి ఓవర్లో వరుసగా 4, 4, 6, 2, 6, 4 బాది సెంచరీ పూర్తి చేయడం విశేషం.
రాహుల్ కూడా పరవాలేదనిపించడంతో
ఈ దశలో మరో ఓపెనర్ రాహుల్తో అతను తొలి వికెట్కు 109 పరుగులు జోడించాడు. నిలకడ లేమికి మారు పేరుగా మారిన రాహుల్ కూడా ఈసారి సాధికారికంగా ఆడాడు. చక్కటి షాట్లతో అలరించాడు. అతను 78 బంతుల్లో అర్ధసెంచరీ సాధించాడు. రెండో ఇన్నింగ్స్లో దూకుడు కనబరచిన టీమిండియా వార్మప్ మ్యాచ్ను డ్రాగా ముగించుకోగలిగింది.