రెచ్చగొట్టొద్దు: కోహ్లీని మోనాలీసాతో పోల్చిన ఆసీస్ మాజీ క్రికెటర్

India vs Australia: If India Dont Win This Time, They Will Never Win in Australia, Says Dean Jones

హైదరాబాద్: ఆస్ట్రేలియా గడ్డపై టెస్టు సిరీస్‌ గెలిచేందుకు భారత్‌కి ఇదే మంచి అవకాశమని, ఇప్పుడు గనుక సిరీస్‌ గెలవలేకపోతే.. ఇక ఎప్పటికీ టెస్టు సిరిస్ గెలవలేదని ఆస్ట్రేలియా మాజీ క్రికెటర్ డీన్‌జోన్స్ జోస్యం చెప్పాడు. నాలుగు టెస్టు మ్యాచ్‌ల సిరిస్‌లో భాగంగా భారత్-ఆస్ట్రేలియా జట్ల మధ్య తొలి టెస్టు డిసెంబర్ 6 నుండి అడిలైడ్ వేదికగా జరగనుంది.

స్టేడియం అవతల పడింది..: రషీద్‌ హెలికాప్టర్ షాట్ చూశారా? (వీడియో)

మునుపటితో పోలిస్తే టీమిండియా బలంగా కనిపించడం... బాల్ టాంపరింగ్ కారణంగా ఏడాది నిషేధం వేటు పడటంతో స్టీవ్‌స్మిత్, డేవిడ్ వార్నర్‌‌లు ఆసీస్ జట్టుకి దూరమవడంతో ఆస్ట్రేలియా జట్టు సైతం బలహీనంగా కనిపిస్తోంది. దీంతో ఈసారి ఆస్ట్రేలియా గడ్డపై ఆసీస్‌ను ఓడించి చరిత్ర సృష్టించాలని టీమిండియా ఊవిళ్లూరుతోంది.

ఈ నేపథ్యంలో టీమిండియా కెప్టెన్ విరాట్‌ కోహ్లీ ఆటలో బలహీనతను వెతకడమంటే మోనాలిసా చిత్రంలో తప్పును గుర్తించడమేనని ఆస్ట్రేలియా మాజీ క్రికెటర్‌ డీన్‌ జోన్స్‌ అన్నారు. కోహ్లీని నిలువరించాలంటే కవర్‌డ్రైవ్‌లు ఆడకుండా వేరే ప్రాంతాల్లో బంతులేయాలని ఆసీస్ బౌలర్లకు సూచించారు.

జట్టు మొత్తం చేసిన పరుగుల్లో దాదాపు 40 శాతం

జట్టు మొత్తం చేసిన పరుగుల్లో దాదాపు 40 శాతం

గత నాలుగేళ్లుగా ఆస్ట్రేలియా జట్టు మొత్తం చేసిన పరుగుల్లో దాదాపు 40 శాతం పరుగులు స్టీవ్ స్మిత్, డేవిడ్ వార్న‌ర్‌లే చేశారని.. ఇప్పుడు వారు లేకపోవడంతో ఆసీస్ బలహీనంగా కనిపిస్తోందని డీన్‌జోన్స్ అభిప్రాయపడ్డాడు. ఈ సందర్భంగా డీన్ జోన్స్ మాట్లాడుతూ "ఆస్ట్రేలియా జట్టుని సొంతగడ్డపై ఓడించడం చాలా కష్టం. ప్రస్తుతం టీమ్‌లో స్టీవ్‌స్మిత్, డేవిడ్ వార్నర్‌లు లేరు" అని అన్నాడు.

స్మిత్, వార్నర్ స్థానాన్ని భర్తీ చేసే సామర్థ్యం

స్మిత్, వార్నర్ స్థానాన్ని భర్తీ చేసే సామర్థ్యం

"స్మిత్, వార్నర్ స్థానాన్ని భర్తీ చేసే సామర్థ్యం ఉన్న ఆటగాళ్లూ ప్రస్తుతం జట్టులో ఉండారని నేను అనుకోవట్లేదు. మరోవైపు భారత్ కెప్టెన్ కోహ్లీ సూపర్ ఫామ్‌లో ఉన్నాడు. ఆస్ట్రేలియా బౌలర్లు ప్రత్యర్ధి జట్లను రెచ్చగొట్టడం కంటే.. అతని బలహీతనలపై దృష్టి పెట్టడం ఉత్తమం. సిరిస్ ఆరంభం నుంచే కోహ్లీ కవర్ డ్రైవ్స్‌ని నిలువరించాలి" అని డీన్‌జోన్స్ సూచించాడు.

ఆఫ్ స్టంప్‌కి వెలుపలగా బంతులు విసురుతూ

ఆఫ్ స్టంప్‌కి వెలుపలగా బంతులు విసురుతూ

"ఆఫ్ స్టంప్‌కి వెలుపలగా బంతులు విసురుతూ.. తొలుత అతను బ్యాక్‌ఫుట్‌పై ఎక్కువగా ఆడేలా చేయాలి. అలా అతడ్ని వెనక్కి తగ్గేలా చేస్తూ ఆఫ్ సైడ్‌లో వైడ్‌ రూపంలోనూ అప్పుడప్పుడు బంతులు విసిరాలి. స్లిప్‌ లేదా గల్లీలో ఫీల్డర్‌కి కోహ్లీ చిక్కే అవకాశం ఉంటుంది" అని డీన్ జోన్స్ పేర్కొన్నాడు. డిసెంబరు 6 నుంచి అడిలైడ్ వేదికగా తొలి టెస్టు ప్రారంభం కానుండగా ఇప్పటికే సెలక్టర్లు జట్టుని ప్రకటించారు.

వార్మప్ మ్యాచ్‌లో గాయపడ్డ పృథ్వీషా

వార్మప్ మ్యాచ్‌లో గాయపడ్డ పృథ్వీషా

మరోవైపు, ఆస్ట్రేలియా ఎలెవన్‌తో జరుగుతున్న వార్మప్ మ్యాచ్‌లో పృథ్వీషా గాయపడ్డాడు. ఫీల్డింగ్‌ చేస్తుండగా అతడి కాలి మడమకు గాయమైంది. దీంతో అతడు నొప్పితోనే మైదానాన్ని వీడాల్సి వచ్చింది. డీప్‌ మిడ్‌ వికెట్‌ బౌండరీ వద్ద ఫీల్డింగ్‌ చేస్తున్న షా.. ఆసీస్‌ ఓపెనర్‌ మాక్స్‌ బ్రయాంట్‌ కొట్టిన షాట్‌ను క్యాచ్‌ పడుతుండగా ఎడమ కాలి మడమకు గాయమైంది.

డిసెంబర్ 6 నుంచి ఇరు జట్ల మధ్య తొలి టెస్టు

డిసెంబర్ 6 నుంచి ఇరు జట్ల మధ్య తొలి టెస్టు

దీంతో పృథ్వీ షా ఆస్ట్రేలియాతో అడిలైడ్ వేదికగా డిసెంబర్ 6 నుంచి జరగనున్న తొలి టెస్టులో ఆడేది అనుమానంగానే కనిపిస్తోంది. "బౌండరీ వద్ద క్యాచ్‌ పట్టేందుకు ప్రయత్నిస్తున్న సమయంలో షా ఎడమ కాలి మడమకు గాయమైంది. అతడిని వెంటనే ఆస్పత్రికి తీసుకెళ్లాం. గాయం తీవ్రతపై స్కానింగ్‌ రిపోర్టు కోసం ఎదురు చూస్తున్నాం" అని బీసీసీఐ ఒక ప్రకటనలో తెలిపింది.

టెస్టు జట్టు

టెస్టు జట్టు

భారత్ టెస్టు జట్టు: విరాట్ కోహ్లీ (కెప్టెన్), మురళీ విజయ్, లోకేశ్ రాహుల్, పృథ్వీ షా, చతేశ్వర్ పుజారా, ఆజింక్య రహానె, హనుమ విహారి, రోహిత్ శర్మ, రిషబ్ పంత్, పార్థివ్ పటేల్, రవిచంద్రన్ అశ్విన్, రవీంద్ర జడేజా, కుల్దీప్ యాదవ్, మహమ్మద్ షమీ, ఇషాంత్ శర్మ, ఉమేశ్ యాదవ్, జస్‌ప్రీత్ బుమ్రా, భువనేశ్వర్ కుమార్

For Quick Alerts
ALLOW NOTIFICATIONS
For Daily Alerts
    Story first published: Friday, November 30, 2018, 14:12 [IST]
    Other articles published on Nov 30, 2018
    Read in English: Jones: India are favourites
    POLLS

    Mykhel బ్రేకింగ్ అలర్ట్స్ పొందండి

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more