టెస్టుల్లో ఎలా ఆడాలో కోహ్లీని చూసి నేర్చుకోండి: ఆసీస్ ఆటగాళ్లకు కోచ్

అగ్రశ్రేణి ఆటగాళ్లంతా అలానే

"వాస్తవానికి ప్రపంచంలోని అగ్రశ్రేణి ఆటగాళ్లంతా అలానే బ్యాటింగ్ చేస్తారు. ఎవరైనా, వారిలా ఆడాలనుకుంటే తొలుత మైదానంలో వారి ఆటతీరుని పరిశీలించాలి. ఆ సమయంలో తమ తప్పిదాలు ఏవైనా ఉంటే సరిదిద్దుకోవాలి. ఇంకా చెప్పాలంటే.. అలాంటి ఇన్నింగ్స్‌లు ఆడాలంటే మైదానంలో క్రమశిక్షణతో పాటు సహనంతోనూ మెలగాలి" అని గ్రేమ్ హిక్ సూచించాడు.

ఆస్ట్రేలియాకు 399 పరుగుల భారీ లక్ష్యం

కాగా, బాక్సింగ్ డే టెస్టులో ఆస్ట్రేలియా జట్టుకి 399 పరుగుల భారీ లక్ష్యాన్ని భారత్ నిర్దేశించింది. ఆటలో భాగంగా నాలుగో రోజైన శనివారం 54/5తో రెండో ఇన్నింగ్స్‌ని కొనసాగించిన టీమిండియా 106/8 వద్ద ఇన్నింగ్స్‌ను డిక్లేర్ చేసింది. దీంతో తొలి ఇన్నింగ్స్‌లో లభించిన 292 పరుగుల ఆధిక్యాన్ని కలుపుకుని మొత్తం 399 పరుగుల లక్ష్యాన్ని ఆతిథ్య జట్టు ముందు ఉంచింది.

ఆస్ట్రేలియాకు ఆదిలోనే ఎదురుదెబ్బ

టీమిండియా ఇన్నింగ్స్‌ను డిక్లేర్ చేసిన తర్వాత రెండో ఇన్నింగ్స్‌ను ప్రారంభించిన ఆస్ట్రేలియాకు ఆదిలోనే ఎదురుదెబ్బ తలిగింది. ఈ టెస్టు సిరిస్‌లో పేలవ ప్రదర్శన చేస్తోన్న ఓపెనర్ ఆరోన్ ఫించ్(3) మరోసారి ఇన్నింగ్స్ రెండో ఓవర్‌లోనే బుమ్రా బౌలింగ్‌లో పెవిలియన్‌కు చేరాడు. అనంతరం మరో ఓపెనర్ హారిస్ (13) స్పిన్నర్ జడేజా బౌలింగ్‌లో ఔటయ్యాడు.

33 పరుగులకే ఆస్ట్రేలియా 2 వికెట్లు కోల్పోయి ఆసీస్

దీంతో జట్టు స్కోరు 33 పరుగులకే ఆస్ట్రేలియా 2 వికెట్లు కోల్పోయి కష్టాల్లో పడింది. అనంతరం క్రీజులోకి వచ్చిన ఉస్మాన్ ఖవాజా (33) కూడా మహ్మద్ షమీ బౌలింగ్‌లో జట్టు స్కోరు 63 వద్ద వికెట్ల ముందు దొరికిపోయాడు. ఆ తర్వాత క్రీజులోకి వచ్చిన షాన్ మార్ష్(44), ట్రావిస్ హెడ్(34), మిచెల్ మార్ష్(10), టిమ్ పైనీ(26), మిచెల్ స్టార్క్(18) పరుగులకే పెవిలియన్‌కు చేరారు.

నాలుగో రోజు ముగిసిన ఆట: ఆసీస్ 258/8

నాలుగో రోజు ఆట ముగిసే సమయానికి ఆస్ట్రేలియా జట్టు 85 ఓవర్లకు గాను 8వికెట్లు కోల్పోయి 258 పరుగులు చేసింది. ఈ టెస్టులో ఆస్ట్రేలియా విజయం సాధించాలంటే ఇంకా 141 పరుగులు చేయాలి. ప్రస్తుతం క్రీజులో పాట్ కుమ్మిన్స్ (61), నాథన్ లియోన్(6) పరుగులతో ఉన్నారు.