అదే మ్యాచ్పై ప్రభావం చూపింది:
మ్యాచ్ అనంతరం సర్ఫరాజ్ అహ్మద్ మాట్లాడుతూ... 'టాస్ ఓడిపోవడం, త్వరగా వికెట్లు కోల్పోవడం మ్యాచ్పై ప్రభావం చూపింది. ఇన్నింగ్స్ ఆరంభంలోనే వికెట్లు కోల్పోయి రేసులోకి రావడం చాలా కష్టం. మా బ్యాట్స్మన్ ఎవ్వరూ బాగా ఆడలేదు. షార్ట్ పిచ్ బంతులను ఎదుర్కోవడంలో విఫలమయ్యాం. ఈ రోజు కలిసిరాలేదు. ఆత్మ విశ్వాసాన్ని దెబ్బతీసి ఒత్తిడి పెంచే ఇలాంటి వాటిని మేం పునరావృతం చేయాలనుకోవడం లేదు. ఎన్నో అంచనాలతో మైదానంలోకి దిగినప్పటికీ.. మా ప్రణాళికలను అమలు చేయలేకపోయాం' అని సర్ఫరాజ్ అన్నాడు.
అమిర్ మా బలం:
'బ్యాట్స్మన్ విఫలమయినా.. బౌలర్లు మాత్రం చాలా బాగా బౌలింగ్ చేశారు. ముఖ్యంగా అమిర్ అద్భుతమైన ప్రదర్శన చేశాడు. అతడు మళ్లీ ఫామ్లోకి రావడం ఆనందించదగిన విషయం. వచ్చే మ్యాచ్లలో అమిర్ మా బలం కానున్నాడు. కచ్చితంగా మేము పుంజుకుంటాం' అని సర్ఫరాజ్ ధీమా వ్యక్తం చేసాడు.
105 పరుగులకే ఆలౌట్:
టాస్ ఓడి ముందుగా బ్యాటింగ్కు దిగిన పాక్ 21.4 ఓవర్లలో 105 పరుగులకే ఆలౌట్ అయింది. ఫఖర్ జమాన్ (22) టాప్ స్కోరర్. ఒషాన్ థామస్ 4 వికెట్లు తీశాడు. అనంతరం విండీస్ 13.4 ఓవర్లలో 3 వికెట్లకు 108 పరుగులు చేసి విజయాన్నందుకుంది. క్రిస్ గేల్ (34 బంతుల్లో 50; 6 ఫోర్లు, 3 సిక్సర్లు) అర్ధ సెంచరీతో రాణించాడు. ఆమిర్కు 3 వికెట్లు దక్కాయి.