చాహల్‌ టీవీ షోను నిరాకరించిన ధోనీ (వీడియో)

కుల్‌దీప్‌ ఎవరితో మాట్లాడుతున్నాడో కనుక్కో:

ధోనీ వద్దకు వచ్చి తన షోలో పాల్గొనమని చాహల్‌ అడగ్గా.. అందుకు అతను నిరాకరించాడు. ఇక చేసేదేంలేక ధోనీ ముందు కూర్చున్న కుల్‌దీప్‌ యాదవ్‌ వద్దకు వెళ్ళాడు. ఆ సమయంలో కుల్‌దీప్‌ ఇయర్‌ఫోన్స్‌ పెట్టుకొని ఉన్నాడు. కుల్‌దీప్‌ ఫోన్‌లో ఎవరితో మాట్లాడుతున్నాడో కనుక్కోమని చాహల్‌ని ధోనీ కోరాడు. ఇదే విషయం కుల్‌దీప్‌ను అడగ్గా.. కిషోర్‌కుమార్‌ పాటలు వింటున్నానని చెప్పాడు.

టీవీలో కనిపించడం ఇష్టం లేదు:

అనంతరం కేఎల్‌ రాహుల్‌ వద్దకు వెళ్లి తన షో కొనసాగించాడు. 'చాహల్‌ టీవీలో కనిపించడం ఇష్టం లేదు. కానీ పబ్‌జీ ఆడేటప్పుడు సమయం దొరికితే చాహల్‌ని కలవడం మాత్రం ఇష్టం' అని తెలిపాడు. రోహిత్ మాట్లాడుతూ... 'బస్సుల్లో నీతో ఇలా లండన్‌ నుంచి కార్డిఫ్‌ వెళ్లడం సంతోషంగా ఉంది' అని అన్నారు.

మద్దతుగా నిలవాలి:

భువనేశ్వర్‌ మాట్లాడుతూ.. 'ప్రపంచకప్‌లో అందరం మంచి ప్రదర్శన చేస్తాం. టోర్నీ ఆసాంతం తమకు మద్దతుగా నిలవాలి' అని అభిమానులను కోరాడు. దినేశ్‌ కార్తిక్‌ మాట్లాడుతూ... 'చాహల్‌ టీవీ ద్వారా మీ ముందుకు వచ్చినందుకు సంతోషంగా ఉంది. ఈ షోలో పాల్గొనడం అంత సులువు కాదు. ఇది చాలా పెద్ద విషయం' అని చెప్పుకొచ్చాడు. ఆపై 'చాహల్‌ తన టీవీషోని ఆపేస్తూ.. మరిన్ని ఫన్నీ వీడియోలతో త్వరలోనే మీ ముందుకు వస్తానని చాహల్‌ చెప్పాడు. ఈ వీడియోలను బీసీసీఐ తన అధికారిక ట్విట్టర్ ఖాతాలో పోస్ట్ చేసింది. ప్రస్తుతం ఈ వీడియోలు నెట్టింట్లో వైరల్ అయ్యాయి.