భారత పేస్ బౌలర్ జస్ప్రీత్ బుమ్రా ప్రపంచ టాప్ బౌలర్లలో ఒకడు. బుమ్రా తన వేగంతో ప్రపంచంలోని అత్యుత్తమ బాట్స్మెన్కు సైతం చుక్కలు చూపిస్తున్నాడు. ఏ సమయంలో బౌలింగ్కు దిగినా కెప్టెన్ నమ్మకాన్ని వమ్ము చేయకుండా తన సత్తా చాటుతున్నాడు. ముఖ్యంగా డెత్ ఓవర్లలో సైతం పరుగులు ఇవ్వకుండా బంతులు వేస్తున్నాడు. అయితే బుమ్రా బౌలింగ్ విజయం వెనుకున్న రహస్యాన్ని ఐఐటీ-కాన్పూర్ ప్రొఫెసర్ సంజయ్ మిట్టల్ కనిపెట్టాడు.
ఐసీసీ క్రికెట్ వరల్డ్కప్ 2019 ప్రత్యేక వార్తల కోసం
బుమ్రా బౌలింగ్పై అధ్యయనం చేసిన మిట్టల్ పలు ఆసక్తికరమైన విషయాలను వెల్లడించారు. 1,000 RPMతో బుమ్రా బంతులు వేస్తున్నాడు కాబట్టి.. 0.1 స్పిన్ నిష్పత్తిలో ఆ బంతికి స్పిన్ తోడయి 'రివర్స్ మాగ్నస్ ఎఫెక్ట్'లోకి మార్చుతుందని తన అధ్యయనంలో తెలిపారు. తాజాగా మిట్టల్ అధ్యయనంపై బుమ్రా స్పందించాడు.
Nothing can replace hardwork (not even reverse magnum force)..😉🦁 pic.twitter.com/8cCrjYlIwY
— Jasprit bumrah (@Jaspritbumrah93) May 19, 2019
'హార్డ్ వర్క్ను ఏదీ భర్తీ చేయదు (రివర్స్ మాగ్నస్ ఫోర్స్ కూడా)' అంటూ బుమ్రా ట్వీట్ చేశాడు. ప్రస్తుతం ఈ ట్వీట్ నెట్టింట్లో వైరల్ అయింది. అభిమానులు ఈ తమదైన స్టయిల్లో కామెంట్లు పెడుతున్నారు. 'ప్రపంచకప్లో ఇదే ప్రదర్శన కొనసాగాలి', ప్రపంచకప్ సాదించుకురా', 'నిజంగా ప్రపంచంలోనే అత్యుత్తమ బౌలర్ బుమ్రా.. హ్యాట్సాఫ్', 'ప్రపంచకప్లో అత్యుత్తమ ప్రదర్శన చూపిస్తాడు' అని కామెంట్లు పెడుతున్నారు.