భారత్‌ ఆస్ట్రేలియా మ్యాచ్.. 12 సిక్స‌ర్లు (వీడియో)

ప్రపంచకప్‌లో భాగంగా ఆదివారం లండన్‌లోని ఓవల్‌ మైదానం వేదికగా ఆస్ట్రేలియాతో జరిగిన మ్యాచ్‌లో భారత్‌ 36 పరుగుల తేడాతో విజయం సాధించింది. టాస్ గెలిచి మొద‌ట బ్యాటింగ్ చేసిన భారత్ నిర్ణీత 50 ఓవ‌ర్ల‌లో 5 వికెట్ల‌ నష్టానికి 352 పరుగులు చేసింది. లక్ష్య ఛేదనలో ఆసీస్ కూడా 316 పరుగులు చేసింది. దీంతో మ్యాచ్‌లో మొత్తం 678 పరుగులు నమోదయ్యాయి.

ఐసీసీ క్రికెట్ వరల్డ్‌కప్-2019 ప్రత్యేక వార్తల కోసం

668 పరుగులలో 12 సిక్స‌ర్లు నమోదయ్యాయి. ఇరు జట్ల బ్యాట్స్‌మన్‌లు కలిపి 12 సిక్స‌ర్లు బాదారు. ఇందులో భారత బ్యాట్స్‌మన్‌లు 8 సిక్స‌ర్లు బాదగా.. కేవ‌లం నాలుగు సిక్స‌ర్లు మాత్ర‌మే ఆసీస్ బ్యాట్స్‌మన్‌లు బాదారు. అత్యధికంగా హార్డ్ హిట్టర్ హార్దిక్ పాండ్యా 3 సిక్స‌ర్లు బాదాడు. ఇక విరాట్‌ కోహ్లీ 2 సిక్స‌ర్లు కొట్టాడు. ఎంఎస్ ధోనీ, కేఎల్ రాహుల్‌, రోహిత్‌ శర్మలు చెరో సిక్స‌ర్ కొట్టారు. ఆసీస్ ఆటగాళ్లలో కెప్టెన్ ఆరోన్ ఫించ్‌, స్టీవ్ స్మిత్‌, ఉస్మాన్ ఖ‌వాజా, అలెక్స్ క్యారీలు ఒక్కొ సిక్స్ కొట్టారు. ఈ సిక్స‌ర్ల వీడియోను ఐసీసీ తన అధికారిక ట్విట్టర్ ఖాతాలో పోస్ట్ చేసింది. మీరూ చూసి ఎంజాయ్ చేయండి.

1️⃣ match
1️⃣2️⃣ sixes#INDvAUS was a high-scoring thriller, and @bira91 brings you all the Super Sixes! pic.twitter.com/s82avYsOoc

— ICC (@ICC) June 10, 2019

అయితే టీమిండియా ఓపెనర్ శిఖర్‌ ధావన్‌ (117; 109 బంతుల్లో 16×4) అద్భుత సెంచరీ చేసినా.. ఒక్క సిక్స్ కూడా బాధలేదు. ఈ మ్యాచ్‌లో గబ్బర్ సిక్సులు కొట్టకున్నా.. బౌండరీలతోనే ఇన్నింగ్స్‌ను డీల్ చేసాడు. మరోవైపు ఆసీస్ విధ్వంసక ఓపెనర్ డేవిడ్ వార్నర్‌ (56; 84 బంతుల్లో 5×4) కూడా దాదాపు సగం ఓవర్ల పాటు క్రీజులో ఉన్నా.. సిక్స్ మాత్రం బాధలేదు. కేవలం 5 బౌండరీలు మాత్రమే కొట్టాడు.

ఈ మ్యాచ్‌లో భారత్‌ 36 పరుగుల తేడాతో ఆస్ట్రేలియాపై విజయం సాధించింది. ముందుగా బ్యాటింగ్‌కు దిగిన భారత్‌ నిర్ణీత 50 ఓవర్లలో 5 వికెట్ల నష్టానికి 352 పరుగులు చేసింది. శిఖర్‌ ధావన్‌ (109 బంతుల్లో 117; 16 ఫోర్లు) సెంచరీ చేయగా.. విరాట్‌ కోహ్లీ(77 బంతుల్లో 82; 4 ఫోర్లు, 2 సిక్సర్లు), రోహిత్‌ శర్మ (70 బంతుల్లో 57; 3 ఫోర్లు, 1 సిక్స్‌), హార్దిక్‌ పాండ్యా (27 బంతుల్లో 48; 4 ఫోర్లు, 3 సిక్సర్లు)లు రాణించారు. అనంతరం ఆస్ట్రేలియా 50 ఓవర్లలో 316 పరుగులకు ఆలౌటైంది. స్టీవ్‌ స్మిత్‌ (70 బంతుల్లో 69; 5 ఫోర్లు, 1 సిక్స్‌), డేవిడ్‌ వార్నర్‌ (84 బంతుల్లో 56; 5 ఫోర్లు), అలెక్స్‌ క్యారీ (35 బంతుల్లో 55 నాటౌట్‌; 5 ఫోర్లు, 1 సిక్స్‌)లు అర్ధ సెంచరీలు చేశారు. బుమ్రా, భువనేశ్వర్‌ చెరో 3 వికెట్లు తీశారు.