'ఈసారి వరల్డ్‌కప్‌లో భారత బౌలర్లదే హవా'

తన బౌలింగ్‌తో ప్రపంచ క్రికెట్‌ను ఏలుతుంది

"టీమిండియా తన బౌలింగ్‌తో ప్రపంచ క్రికెట్‌ను ఏలుతుంది అని చెప్పడంలో ఎటువంటి సందేహం లేదు" అని బ్రెట్ లీ చెప్పుకొచ్చాడు. ఐదుసార్లు విశ్వవిజేతగా నిలిచిన ఆస్ట్రేలియా గత కొంత కాలంగా వన్డేల్లో పేలవ ప్రదర్శన చేసింది. 2016 నుంచి 2019 మధ్య కాలంలో ఒక్క వన్డే సిరిస్‌ను కూడా నెగ్గలేకపోయింది.

2018లో బాల్ టాంపరింగ్ ఉదంతం

సఫారీ గడ్డపై 2018లో జరిగిన బాల్ టాంపరింగ్ ఉదంతం ఆస్ట్రేలియాను ప్రపంచ క్రికెట్ ముందు దోషిగా నిలబెట్టింది. ఆయితే, ఆ తర్వాత కొన్ని నెలలు పాటు ఆసీస్ చెత్త ప్రదర్శన చేసింది. కాగా, వరల్డ్‌కప్‌కు ముందు ఆ జట్టు అనూహ్యాంగా పుంజుకుంది. సొంతగడ్డపై భారత్‌తో జరిగిన ఐదు వన్డేల సిరిస్‌ను 3-2తో కైవసం చేసుకుంది.

ఆడిన రెండు వార్మప్ మ్యాచ్‌ల్లోనూ విజయం

వరల్డ్‌కప్ సన్నాహాకాల్లో భాగంగా ఆస్ట్రేలియా ఆడిన రెండు వార్మప్ మ్యాచ్‌ల్లోనూ విజయం సాధించింది. ఇంగ్లాండ్ ఆతిథ్యమిస్తోన్న వరల్డ్‌కప్‌లో ఇంగ్లాండ్ ఫేవరేట్ అయినప్పటికీ... డిఫెండింగ్ ఛాంపియన్‌గా బరిలోకి దిగుతోన్న ఆస్ట్రేలియా కూడా మంచి జట్టే అని బ్రెట్ లీ చెప్పుకొచ్చాడు.

ఆస్ట్రేలియా మంచి జట్టు

"ఆస్ట్రేలియా మంచి జట్టు. వరల్డ్‌కప్‌కి వెళ్లే జట్టు ఏదైనా సిద్ధంగా ఉంటుంది. ఇక, ఇంగ్లాండ్ పరిస్థితులను ఎవరు బాగా అలవాటు చేసుకుంటారో వాళ్లే విశ్వవిజేతగా నిలుస్తారు" అని బ్రెట్ లీ తెలిపాడు. టోర్నీలో భాగంగా ఆస్ట్రేలియా తన ఆరంభ మ్యాచ్‌లో ఆప్ఘనిస్థాన్‌తో తలపడనుంది. ఈ మ్యాచ్ జూన్ 1న బ్రిస్టల్ వేదికగా జరగనుంది.