శ్రీలంక టీమ్ విశ్లేషణ: గతమెంతో ఘనం... ఈసారి పోటీనిచ్చేనా?

గత రెండేళ్లలో ఒక్క ద్వైపాక్షిక సిరిస్‌ గెలవలేదు

ఈ వరల్డ్‌కప్‌లో ఆ జట్టుని ముందుండి నడిపించే నాయకుడే కనిపించడం లేదు. అలాగే, వరల్డ్‌కప్‌లో లంకను ఒంటి చేత్తో గెలిపించే సత్తా ఉన్న నాయకుడే కనిపించడం లేదు. మాజీ క్రికెట్ దిగ్గజాలు కుమార సంగక్కర, మహేల జయవర్ధనె లాంటి ఆటగాళ్లు వీడ్కోలు పలకడంతో వారి స్థానాన్ని భర్తీ చేసే ఆటగాళ్లు ఇంతవరకు కనిపించడం లేదు. 2017లో జింబాబ్వేతో స్వదేశంలోనే జరిగిన ఐదు వన్డేల సిరిస్‌ను 3-2తో కోల్పోయింది. చెప్పాలంటే గత రెండేళ్లలో శ్రీలంక ఒక్క ద్వైపాక్షిక సిరిస్‌లో కూడా విజయం సాధించింది.

శ్రీలంక బలాలు

పేసర్ లసిత్ మలింగకు ఇదే ఆఖరి వరల్డ్‌కప్. ఈ నేపథ్యంలో జట్టులో అతడే ఆశాకిరణంగా కనిపిస్తున్నాడు. ఈ మధ్య కాలంలో మలింగ సూపర్ ఫామ్‌లోకి వచ్చాడు. ఇటీవలే ముగిసిన ఐపీఎల్‌ 12వ సీజన్‌లో ముంబై ఇండియన్స్ టైటిల్ విజేతగా నిలవడంలో కీలకపాత్ర పోషించాడు. డెత్‌ ఓవర్లలో మలింగను ఎదుర్కోవడం ప్రత్యర్థి బ్యాట్స్‌మెన్‌కు సవాలే. తన అనుభవంతో వరల్డ్‌కప్‌లో లంకను విజేతగా నిలిపితే అతడి కెరీర్‌కు ఘనమైన ముగింపు లభించినట్టవుతుంది. ఇక, బ్యాటింగ్‌లో ఏంజెలో మాథ్యూస్‌, కుశాల్‌ మెండిస్‌, కుశాల్‌ పెరీరా చక్కటి ఫామ్‌లో ఉన్నారు.

శ్రీలంక బలహీనతలు

ఇటీవలి కాలంలో జట్టులో అనేక మార్పులు చోటు చేసుకుంటున్నాయి. దీని ప్రభావం జట్టుపై చూపుతోంది. కెప్టెన్సీ కూడా మాథ్యూస్‌ నుంచి దినేశ్‌ చండిమాల్‌కు అతడి నుంచి మలింగకు మారింది. అయితే, చివరకు 2015లో చివరి వన్డే ఆడిన ఓపెనర్‌ దిముత్‌ కరుణరత్నెకు బాధ్యతలు అప్పగించడం అందరిని ఆశ్చర్యానికి గురి చేసింది.

వరల్డ్ కప్‌లో ఆడే జట్టు

దిముత్‌ కరుణరత్నె (కెప్టెన్‌), ఆవిష్క ఫెర్నాండో, తిరిమన్నె, కుశాల్‌ మెండిస్‌, కుశాల్‌ పెరీరా, ధనంజయ డిసిల్వా, జీవన్‌ మెండిస్‌, మిలింద సిరివర్ధన, ఏంజెలో మాథ్యూస్‌, తిసార పెరీరా, ఇసురు ఉదాన, మలింగ, సురంగ లక్మల్‌, జెఫ్రీ వాండర్సే, నువాన్‌ ప్రదీప్‌.

వరల్డ్‌కప్‌లో లంక ఉత్తమ ప్రదర్శన

విజేత: 1996;

రన్నరప్‌: 2007, 2011