కోహ్లీ సక్సెస్ రేట్ 59 నుంచి 60 శాతం
"విరాట్ కోహ్లీ హాఫ్ సెంచరీలను సెంచరీలుగా మలుస్తోన్న రేట్ 59 నుంచి 60 శాతం వరకూ ఉంది. అదే రూట్ విషయంలో 25 శాతంగా ఉంది. ఇది గమనించాల్సిన విషయం. ప్రస్తుతం మోడ్రన్ డే క్రికెట్ దిగ్గజాల్లో అత్యుత్తమ క్రికెటర్లుగా వెలుగొందుతున్న ఐదు లేదా నలుగురు ఆటగాళ్లలో వీరిద్దరూ ఉన్నారు" అని మైక్ బ్రార్లీ తెలిపాడు.
షాట్ల ఎంపికలో జో రూట్ మరింత పరిణితి కనబర్చాలి
"10 ఏళ్లు గడిచాయి, మీకు తెలుసు. నాకు అయితే సమాధానం తెలియదు. టెస్టుల్లో జో రూట్ ఔటయ్యే విధానం అలానే ఉంది. షాట్ల ఎంపికలో జో రూట్ మరింత పరిణితి చూపించాల్సి ఉంటుంది. 70ల్లో ఉన్నప్పుడు జో రూట్ షాట్ల ఎంపికలో మరింత జాగ్రత్తగా వ్యవహారించాలి" అని బ్రార్లీ పేర్కొన్నాడు.
|
టెస్టుల్లో 24వ సెంచరీని నమోదు చేసిన కోహ్లీ
ఇంగ్లీషు గడ్డపై కనపర్చిన ఫామ్ని కోహ్లీ స్వదేశంలో కూడా కొనసాగిస్తున్నాడు. తాజాగా, రాజ్కోట్ వేదికగా వేదికగా జరిగిన తొలి టెస్టులో కోహ్లీ 184 బంతుల్లో 7 ఫోర్ల సాయంతో 100 పరుగుల మైలురాయిని అందుకున్నాడు. టెస్టుల్లో కోహ్లీకి ఇది 24వ సెంచరీ కావడం విశేషం. ఈ క్రమంలో టీమిండియా కెప్టెన్ విరాట్ కోహ్లీ అరుదైన ఘనత సాధించాడు.
|
బ్రాడ్మాన్ తర్వాత అత్యంత వేగంగా 24 టెస్టు సెంచరీలు
123 ఇన్నింగ్స్ల్లో 24వ సెంచరీ చేసిన విరాట్ కోహ్లీ, ఆస్ట్రేలియా మాజీ క్రికెట్ దిగ్గజం డాన్ బ్రాడ్మాన్ తర్వాత అత్యంత వేగంగా 24 టెస్టు సెంచరీలు చేసిన ఆటగాడిగా చరిత్ర సృష్టించాడు. 125 ఇన్నింగ్స్ల్లో సచిన్ టెండూల్కర్ ఈ జాబితాలో మూడో స్థానంలో ఉన్నాడు. అంతర్జాతీయ క్రికెట్లో విరాట్ కోహ్లీకి ఇది 50వ సెంచరీ. ఈ ఏడాది టెస్టుల్లో విరాట్ కోహ్లీకి ఇది నాలుగో సెంచరీ.
|
అత్యధిక టెస్టు సెంచరీలు సాధించిన క్రికెటర్ల జాబితాలో
కెప్టెన్గా బాధ్యతలు చేపట్టక ముందు 250 ఇన్నింగ్స్ల్లో 29 సెంచరీలు సాధించిన విరాట్ కోహ్లీ కెప్టెన్గా 134 ఇన్నింగ్స్ల్లోనే 30 సెంచరీలు సాధించడం విశేషం. ఈ క్రమంలో విరాట్ కోహ్లీ ఖాతాలో మరో మైలురాయి వచ్చి చేరింది. ప్రస్తుతం క్రికెట్ ఆడుతున్న ఆటగాళ్లలో అత్యధిక టెస్టు సెంచరీలు సాధించిన క్రికెటర్ల జాబితాలో విరాట్ కోహ్లీ రెండోస్థానానికి చేరుకున్నాడు. 23 సెంచరీలు చేసిన స్టీవ్ స్మిత్ను వెనక్కి నెట్టిన విరాట్ కోహ్లీ దక్షిణాఫ్రికా క్రికెటర్ హషీం ఆమ్లా (29) తర్వాతి స్థానంలో నిలిచాడు.