Click it and Unblock the Notifications
Sporting Buzz
-
PBKS vs MI: రోహిత్ శర్మ ట్రేడ్ మార్క్ సిక్సర్.. హార్దిక్ రియాక్షన్ వైరల్! (వీడియో) -
PBKS vs MI: చరిత్ర సృష్టించిన రోహిత్ శర్మ! -
PBKS vs MI: చెలరేగిన సూరీడు... తెలుగోడు! -
PBKS vs MI: తొండాటకు ముగింపు.. కెమెరా ముందు టాస్ కాయిన్ ఫలితం! (వీడియో) -
PBKS vs MI: అందుకే రెండు మార్పులు చేశాం: సామ్ కరణ్ -
IPL 2024: హార్దిక్.. ఈ ఎక్స్ట్రాలే తగ్గించుకోమనేది!(వీడియో) -
IPL 2024 ఫిక్సింగ్ కలకలం.. నలుగురు అరెస్ట్! -
IPL:ధోనీ ఫిక్సింగ్ చేశాడా..? సీఎస్కేను రెండేళ్లు ఎందుకు బ్యాన్ చేశారు..? -
T20లో డబుల్ సెంచరీ: ఆ భారత ప్లేయర్కే సాధ్యం- విలియమ్సన్ -
IPL 2024: ఆ తెలుగు టీమ్ సాంగ్ ముందు ఏది పనికి రాదు: రోహిత్ శర్మ (వీడియో)
సౌతాంప్టన్‌: కరోనా వైరస్ విరామం తర్వాత ఇంగ్లండ్-వెస్టిండీస్‌ జట్ల మ‌ధ్య జ‌రుగుతున్న టెస్టు సిరీస్‌ రసవత్తరంగా సాగుతోంది. విండీస్ పేస్ విభాగం ముందు సొంతగడ్డపై ఇంగ్లీష్ బ్యాట్స్‌మన్‌ల పప్పులు ఏమాత్రం ఉడకట్లేదు. రెండో ఇన్నింగ్స్‌లోనూ ఇంగ్లండ్ బ్యాట్స్‌మెన్‌ ఆచితూచి ఆడుతున్నారు. కరీబియన్‌ బౌలర్లను ఎదుర్కోవడంలో బాగా ఇబ్బందిపడుతున్నారు. బంతితో నిప్పులు చెలరేగుతూ ఇంగ్లండ్‌ను విండీస్ కట్టడి చేస్తోంది.
నాలుగో రోజు ఆటలో లంచ్‌ విరామ సమయానికి రెండో ఇన్నింగ్స్‌లో ఇంగ్లండ్ 40 ఓవర్లలో వికెట్ నష్టానికి 79 పరుగులు చేసింది. శనివారం ఉదయం ఓవర్‌నైట్‌ బ్యాట్స్‌మెన్లు నిలకడగా రాణించడంతో ఇంగ్లండ్‌కు శుభారంభం దక్కింది. ఓపెనర్లు రోరి బర్న్స్ (42), డొమినిక్ సిబ్లే జోడీ కుదురుకోవడంతో విలువైన భాగస్వామ్యాన్ని నెలకొల్పే ప్రయత్నం చేశారు. అయితే హాఫ్‌ సెంచరీకి చేరువైన బర్న్స్ చెత్త షాట్‌ ఆడి రోస్టన్‌ ఛేజ్‌ బౌలింగ్‌లో వెనుదిరిగాడు.
ప్రస్తుతం సిబ్లే (48), జో డెన్లీ (11) క్రీజులో ఉన్నారు. వీరిద్దరూ మరో వికెట్ పడకూడదన్న ఉద్దేశంతో బ్యాటింగ్‌ చేస్తున్నారు. దీంతో స్కోర్ బోర్డు నెమ్మదించింది. నాలుగో రోజూ విండీస్ ఆధిపత్యం ప్రదర్శిస్తున్నది. బౌలర్లు హవా కొనసాగుతుండటంతో.. డ్రింక్స్‌ విరామం తర్వాత 16 ఓవర్లలో ఇంగ్లండ్ కేవలం 17 పరుగులు మాత్రమే సాధించింది. చాలా ఓవర్లు మెయిడిన్‌ కావడం విశేషం. విండీస్ అద్భుత బంతులేయడంతో ఇంగ్లీష్ బ్యాట్స్‌మన్‌ తడబడుతున్నారు. అయితే ఇంగ్లండ్ కేవలం 4 పరుగులు మాత్రమే వెనుకబడి ఉంది. 51 ఓవర్లలో ఒక వికెట్ నష్టానికి 110 పరుగులు చేసింది.
తొలి ఇన్నింగ్స్‌లో విండీస్ బౌలర్లు చెలరేగగా.. తాత్కాలిక ఇంగ్లండ్ కెప్టెన్‌ బెన్‌ స్టోక్స్ (43) ఆదుకున్నాడు. ఇక విండీస్ తొలి ఇన్నింగ్స్‌లో స్టోక్స్ (4/49) అద్భుతంగా బౌలింగ్‌ చేశాడు. దీంతో స్టోక్స్ ఓ అరుదైన ఘనతను సాధించాడు. మూడో రోజు ఆటలో విండీస్ బ్యాట్స్‌మన్‌ అల్జారీ జోసెఫ్‌ను స్టోక్స్ క్లీన్‌బౌల్డ్‌ చేశాడు. ఇది టెస్టుల్లో స్టోక్స్‌కు 150వ వికెట్ కావడం విశేషం. దీంతో టెస్టుల్లో వేగంగా 4వేల పరుగులు, 150 వికెట్లు తీసిన రెండో ఆటగాడిగా స్టోక్స్ నిలిచాడు. స్టోక్స్ 64 టెస్టుల్లో ఈ ఘనత సాధించాడు. వెస్టిండీస్‌ లెజెండ్‌ గ్యారీ సోబర్స్‌ 63 టెస్టుల్లోనే ఈ మైలురాయిని అందుకుని అగ్రస్థానంలో కొనసాగుతున్నాడు.
